அக்னி சாட்சி

பெட்டிக்கடைக்காரன் தரும் சில்லறைகளை
சில நேரம் அமுக்கி கொள்வதில்…
எதிர் வீட்டு பெண் தண்ணீர் பிடிக்கையில்
மறைந்திருந்து அவள் மார்பங்கங்களை பார்ப்பதில்…
உன் கடிதம் கொடுக்கும் போது மட்டும்
தபால் காரன் தலை சொரிவதில்…
கடற்கரை காதல் ஜோடிகளின்
சில்மிஷத்தைகாணும் சுண்டல் சிறுவர்கள்…
என யாருக்கு தான் இல்லை
இது போன்ற சில்லறை சபலங்கள்…
இத்தனை சாட்சிகள் இருந்தும்
இவை போதாது என்று
எவனையோ மணக்க போகிறாயாம் நீ
இன்று அக்னி சாட்சியாய்…
சிரிப்பு தான் வருகிறததடி எனக்கு…