அடுத்த சூப்பர் ஸ்டார் யார் என்று தெரியுமா...?

இது நம்ம பன்னீஸ் போட்ட லேட்டஸ்ட் இடுகைக்கு எதிர் இடுகை...

ஏன்னா நாங்களும் ரவுடிங்க தான்...எங்களுதும் பரட்டை தான் நாங்களும் கலைச்சுக்குவோம்...அப்புறம் வாரிக்குவோம் அப்படின்னு அவருக்கு பகிரங்க எச்சரிக்கை விடுறதுக்கே இந்த இடுகை...

எனவே அடுத்த சூப்பர் ஸ்டார் பன்னீஸ் சொல்ற மாதிரி டாகுடர் ஸ்ரீநிவாசன் இல்லை...அந்த பட்டத்தை தட்டி செல்லவோ அல்லது அவருக்கு நிகராக போட்டி போடவோ இன்னொரு சூப்பர் ஸ்டார் இருக்காருன்னு சொல்ல விரும்பிக்கொள்கிறேன்...

யோவ் பார்ட்னர்...நீ எம்.ஜி ஆர் னா நான் நேரு...நீ பிரதம மந்திரினா நான் ஒபாமா...எப்பூடி?ஹி ஹி...இப்போது பன்னீஸ் இடுகைல இருந்த அதே வரிகள்...ஆனால் சூப்பர் ஸ்டார் அவரு இல்ல...

அடுத்த முதல்வர் யார் என்று பதிவுலகம் முழுதும் தேர்தல் ஜன்னி கண்டு இழுத்துக் கொண்டிருக்கும் நிலையில், நாம் அடுத்த சூப்பர் ஸ்டார் யார் என்ற முக்கியமான தேடுதல் வேட்டையில் இறங்கினோம். தேர்தல் நேரத்தில் இது அவசியமா என்று எதிரிகள் சிலர் கேட்கலாம். நமது சூப்பர் ஸ்டார்களுக்கே முதல்வர்களாகும் தகுதி இருப்பதனாலும், நாம் காலம் காலமாய் எதிர்பார்த்துக் காத்திருந்த சூப்பர் ஸ்டார் ஒருவர் தமிழ்த்திரை வானில் இப்போது அவதரித்து இருப்பதாலும், தேர்தல் பரபரப்பில் அவர் யார் என்று நம் பதிவர்களுக்குத் தெரியாமலே போய் விடக் கூடிய அபாயம் இருப்பதாலும்தான் அவசர அவசரமாக இப்படி ஒரு பதிவு.

தமிழ்நாட்டில் எப்போதும் ஒரு சூப்பர் ஸ்டார் இருந்து கொண்டே இருப்பார். தியாகராஜ பாகவதர், எம்ஜிஆர், ரஜினி என்று ஒவ்வொரு தலைமுறைக்கும் ஒரு சூப்பர் ஸ்டார் இருப்பது தமிழகத்தின் எழுதப்படாத விதிகளில் ஒன்று. அடுத்த தலைமுறை நடிகர்கள் தமிழ்சினிமாவில் ஆதிக்கம் செலுத்தத் துவங்கி பல வருடங்கள் ஆகியும் இன்னும் அவர்களில் யார் அடுத்த சூப்பர் ஸ்டார் என்று தீர்மானிக்க முடியாத நிலை தொடர்வது சினிமா ரசிகர்களுக்கு தீராத கவலையாக இருந்து வருகிறது.

இன்னிலை தொடர்வது சினிமாவுக்கும் நல்லதல்ல, ரசிகர்களுக்கும் நல்லதல்ல. மேலும் சிபி போன்ற சினிமா விமர்சகர்களுக்கும் அடுத்த சூப்பர் ஸ்டார் யார் என்று அடையாளம் காட்டுவது நமது தார்மீகக் கடமை என எண்ணுகிறோம். கடமை என்று வந்துவிட்டால் நாம் புலியாக மாறி விடுவோம் என்பதும் உங்களுக்கு தெரியுமல்லவா...?

சூப்பர் ஸ்டார் அந்தஸ்தை அடைய இன்றும் போராடிக் கொண்டிருக்கும் அண்ணன் டீ...ராஜேந்தர் அவர்களுக்கு ஒரு சிறப்பு நன்றியைத் தெரிவித்துக் கொண்டவனாக அடுத்த சூப்பர் ஸ்டார் யார் என உங்களுக்கு அடையாளம் காட்டும் எனது நீண்ட நெடிய பயணத்தை தொடங்குகிறேன்.

அடுத்த சூப்பர் ஸ்டார் யார் என்ற உடன், நடிகர்கள் அஜீத்-விஜய் ஞாபகத்திற்கு வருவதை தவிர்க்க முடியாது. ஆனால் இருவரும், விடாது தொடரும் தொடர்தோல்விகளால் பொறிகலங்கி இருப்பது சற்றே யோசிக்க வைகிறது. சிம்பு, தனுஷ், சூர்யா, விக்ரம், ஜீவா, பரத் அனைவரும் அஜீத்-விஜய்க்கு கிழேதான் என்பதால் அவர்கள் அனைவரும் அடுத்த சூப்பர் ஸ்டார் பட்டியலில் இடம் பெறும் தகுதியை இழக்கிறார்கள். அப்படியானால் யார்தான் அடுத்த சூப்பர் ஸ்டார்? தமிழ்நாட்டு மானத்தை காப்பாற்ற யாருமே இல்லையா?

இப்படி அடுத்த சூப்பர் ஸ்டார் யார் என்று தெரியாமலே போய் விடுமோ என்று ரசிகர்கள் எல்லாம் அல்லும் பகலும் துயரத்தில் தோய்ந்து, தோய்ந்து வருந்திக் கொண்டிருந்த காலத்தில்தான் வானில் விடிவெள்ளி உதிப்பது போல தென்னிந்திய மைக்கேல் ஜாக்சன் என்று ரசிகர்களால் அன்போடு அழைக்கப்படும் சாம் ஆண்டர்சன் அவர்கள் தமிழ்த் திரைவானில் உதயமாகி அனைவரையும் சற்றே நிம்மதிப் பெருமூச்சு விட வைத்தார். தமிழகத்திற்கு நோபல், ஆஸ்கார் என்று பரிசுகளை அள்ளித்தரக் கூடிய அனைத்து தகுதிகளும் இவருக்கு உண்டு என்றாலும் அவர் அதை விரும்புவதில்லை என்பதால் இன்னும் கொடுக்கப்படவில்லை என்று விபரம் அறிந்தவர்கள் பலரும் அறிவார்கள்.

டாஸ்மாக்கில் இந்த வருடம் வருமானம் பலமடங்கு அதிகரித்திருப்பதற்கு சாம் ஆன்டர்சனின் சூறாவளி நடனமே காரணம் என்று புள்ளி விபரங்களைப் பார்த்தவ்ர்களுக்குத் தெரிந்திருக்கலாம். மேலும் இந்த வருட கலைமாமணி லிஸ்ட்டில் ஆன்டர்சனின் பெயர் இருந்ததாகவும், ஆனால் அவர் அதை ஏற்றுக் கொள்வாரோ மாட்டோரோ என்ற அச்சத்தில் கடைசி நேரத்தில் அவர் பெயர் அந்த லிஸ்ட்டில் இருந்து எடுக்கப்பட்டதாகவும் நம்பத் தகுந்த வட்டாரங்கள் தெரிவிக்கிறன.

தமிழக மக்கள் அனைவரும் எப்பேர்ப்பட்ட நடிகர் நமக்கு கிடைத்திருக்கிறார், இனி அவர்தான் நம் சூப்பர் ஸ்டார் என இறுமாந்திருந்த நேரத்தில் புயலென கிளம்பி தமிழகத்தின் அத்தனை தியேட்டர்களையும் துவம்சம் செய்து அதிரடியாய் நான் தான் அடுத்த சூப்பர் ஸ்டார் என்று சொல்லாமல் சொல்லி பலரின் வயிற்றில் புளியைக் கரைத்திருக்கிறார் ஒரு நடிகர்...

அவரது மயிர்க்கூச்செறியும் புகைப்படங்கள் சிலவற்றை இங்கே உங்கள் பார்வைக்கு வைக்கிறேன்.....

தைரியம் இருந்தா வீடியோவையும் பார்த்துக்கோங்க...இறுதியா ஒன்னே ஒன்னு மட்டும் சொல்லிகறேங்க...இவரோட தன்னம்பிக்கை எனக்கு பிடிச்சுருக்கு.






பிரபலபதிவர் சிபி இந்தப் படத்தை ஏற்கனவே பார்த்துவிட்டார் என்று தகவல்கள் வருகின்றன. ஆனால் அவர் ஏன் இன்னும் மௌனம் சாதிக்கிறார் என்றுதான் தெரியவில்லை!

ஒன்று மட்டும் சொல்லிக் கொள்கிறேன், வெறும் கைகளைக் கொண்டு ஆதவனை மறைத்துவிட முடியாது...!

குரோதம்

முஸ்கி:இக்கதையில் வரும் சம்பவங்கள் அனைத்தும் கற்பனையே! யாரையும் குறிப்பிடுவன அல்ல!

"ச்சே! இவ எல்லாம் ஒரு பொம்பளையா? அதை விட இவ ஒரு மனுஷியா முதல்ல? எப்படி இவளுங்களால மட்டும் இப்படி செய்ய முடியுது? இளிக்க இளிக்க பேசினாளே..அதெல்லாம் பொய்யா?நீ இல்லாம என்னால வாழவே முடியாதுன்னு கூட சொன்னாளே...அதென்னமோ தெரியல உன்னை எனக்கு ரொம்ப பிடிச்சுருக்கு டா என்றாளே?அதுவும் பொய்யா?"

இப்படி தனக்குளே புலம்பிக் கொண்டே சாலையை கவனிக்காமல் குறுக்கே நடந்த சதீஷின் பக்கவாட்டிலே திடீரென்று ப்ரேக் அடித்து நின்ற லாரி டிரைவரின் டெம்ப்ளேட் குரல் "டேய் ங்கோ.. வூட்ல சொல்லிட்டு வன்ட்டியா..நீ சாவறதுக்கு என் வண்டி தான் கெடைச்சுதா கஸ்மாலம்..பொறம்போக்கு..அடச்சீ நவுரு சாவுகிராக்கி" ஒலித்ததைக் கேட்டு நிஜ உலகத்துக்கு திரும்பியது.அப்போது தான் அவன் நடு ரோட்டில் நின்று கொண்டிருப்பதை உணர்ந்தான். இருப்பினும் அவன் உடனே நகர எத்தனிக்க முடியாதவாறு அவளைப் பற்றிய எண்ணம் அவன் மனம் முழுதும் வியாபித்து இருந்தது.


லாரி டிரைவரின் அர்ச்சனையை கேட்டவுடன் அவனது நண்பனிடம் சதீஷ் அவளைக் காதலிப்பதாக முதலில் கூறியபோது, "என்னடா நீயும் லவ் பண்ண ஆரம்பிச்சிட்டியா..ஓகே ஓகே என்னிக்காவது ஒரு நாள் பைத்தியம் புடிச்ச நிலையில் ரோட்டில நடக்கும் போது ப்ரேக் புடிக்காத லாரியில அடிபட போற பாரு" என்று அவனது நண்பன் கூறியது நினைவுக்கு வந்ததும் அவன் முகத்தில் ஒரு விரக்தி கலந்த புன்னகை.


இன்னும் நகராமல் எதைப் பற்றிய உணர்வும் இல்லாமல் சிரித்துக் கொண்டிருந்த இவனைப் பார்த்த லாரி டிரைவர் கோபத்துடன் முறைத்தவாரே கீழே வந்து இவனை அடிக்க கை ஒங்க, "டேய் வாடா வா..அடிடா..சாவடி டா...நான் சாவுகிராக்கி தாண்டா... தைரியம் இருந்த என்னை சாவடி டா" என்று தனது சட்டை பட்டன்களை கழட்டி நெஞ்சு நிமிர்த்திய சதீஷை "சரியான லூசு டா..காலைலேயே நமக்குன்னு சிக்கிடரானுங்க" என்று அவனை தள்ளிவிட்டு லாரி டிரைவர் தன்னை அப்புறப் படுத்திக் கொண்டார்.

"இல்ல, நான் முட்டாளா?காதல் என் கண்ணை மறைச்சிடுச்சா? அப்படி அவக்கிட்ட எதைப் பார்த்து டா மயங்கின? கூடவே பழகிய நண்பர்களை எதிர்த்தாயே...அவளுக்காக உண்மையான நண்பர்களிடம் எரிந்து விழுந்தாயே..எவ்வளவோ சொல்லியும் அப்பன் ஆத்தாளிடம் முரண்டு பிடித்தாயே...எவ்ளோ திமிர்...எவ்ளோ ஆணவம்...உனக்கு இது தேவை தான்... இப்போ பாரு யாரு இருக்கா உனக்கு? பெத்தவங்க செத்துட்டா பொண்டாட்டி, குழந்தைன்னு வாழலாம்...கட்டின பொண்டாட்டியும் இப்படி ஒரு வருஷத்துக்கு முன்னாடியே வேறொருத்தன் கூட ஓடிப் போயிட்டான்னா என்ன மாதிரி ஆளுங்களோட கதி என்ன? வேறென்ன என் கதி தான்...எல்லாம் முடிஞ்சுடுச்சு...அதுவும் ரொம்ப சீக்கிரமாவே..."

கண்கள் கலங்க உதடுகள் சிரிக்க நடந்தபடியே சென்றவன் தன்னை மறந்து, இதையே நினைத்து நடக்கத் தொடங்கியவன் ஒரு நாள் ஓடியதை கூட உணரவில்லை. மெல்ல மெல்ல நடை தளர்ந்து, நா வறண்டு சாலையிலே மயங்கியபடியே சரிந்தான்...


"மகனே! எழுந்திரு, கண்விழிப்பாயாக" என்ற குரல், அவன் முகத்தில் பீய்ச்சப்பட்ட சில்லென்ற தண்ணீரை உணர்ந்தவுடன் கேட்டதைக் கண்டு விழித்து பார்க்கும் போது அவனது செல்போன், பணம் அனைத்தும் பறிபோனதை உணர்ந்தான். பொண்டாட்டியே போயிட்டா இது இருந்தா என்ன போனா என்ன?வெறும் பணம் தான..என்று முனகினான்.
 
 
பிறகு தான் இவனை எழுப்பியது வட இந்தியாவில் உள்ள ஒரு பிரபல சாமியார் என்பது அவனுக்கு தெரியவந்தது. இவனும் அவரைப் பற்றி பல நல்ல விஷயங்களை கேள்விப்பட்டிருந்தாலும் இன்று தான் அவரை முதன் முதலில் பார்க்கிறான்.


"என்ன ஆயிற்று? ஏன் இப்படி கிடக்கிறாய்?" என்று வினவிய சாமியிடம் தன் கதையை அழுதுக் கொண்டே கூறினான் சதீஷ்.

"எதுவுமே புடிக்கல சாமி. வேடிக்கையை பார்த்தீங்களா? அவளை காதலிக்கும் போது எனக்கு சாப்பிட புடிக்கல..இப்ப அவ என்னை விட்டு ஓடினதுக்கு அப்புறமும் சாப்பிட பிடிக்கல...சாப்பிட்டு ரெண்டு நாள் ஆச்சு போல..நேரம் காலம் இரவு பகல் எல்லாம் எனக்கு ஒன்னாவே தெரியுது." என்றான்.

"கவலைப் படாதே மகனே. அவரவர் செய்த பாவத்துக்கு அவரவர் தண்டனையை அடைந்தே தீர வேண்டும். நீ ஆடிய ஆணவ ஆட்டத்தை உனக்கு உணர வைக்க இறைவன் இப்படி செய்து இருக்கலாம். என் மீது நம்பிக்கை இருந்தால் என்னுடன் வா.உன்னை சீடனாக ஏற்றுக் கொள்கிறேன். உனக்கு தேவை இப்போது மன அமைதி. அது இறைவனை பிரார்த்திப்பதன் மூலம் நீ அடைவாய்.மெல்ல மெல்ல இறைவனிடம் உன்னைக் கொண்டு சேர்ப்பாய்." என்றார்.



காலங்கள் உருண்டோடியது. சாமியின் மானசீக சிஷ்யனாக ஆகிவிட்டான் சதீஷ். இல்லை சாமியின் மானசீக சிஷ்யனாக ஆகிவிட்டார் ஸ்ரீலஸ்ரீ சச்சிதானந்தம். ஆம் சதீஷ் என்ற பெயர் அவன் வாழ்ந்த சமூகத்தில் அழிக்கப் பட்டு ஆறு வருடங்கள் ஆகிவிட்டது. அவனுக்கு தெரிந்த நண்பர்கள் அனைவரும் பொண்டாட்டி ஓடிப் போனா துக்கத்துல பைத்தியமா சுத்திட்டு இருந்தவன் தற்கொலை செய்து கொண்டதாக பரப்பப்பட்ட வதந்தியை உண்மையாக்கினார்கள். காலப் போக்கில் அவனை மறந்தே போனார்கள்.


குருவிடம் நல்ல பேர் வாங்கியதோடு மட்டும் இல்லாமல் மக்களிடமும் நல்ல அபிப்ராயத்தை கொண்டிருந்தார் சச்சிதானந்தம். கணக்கு வழக்கிலும், சொந்த வாழ்விலும் அப்பழுக்கற்ற மனிதனாக வாழ்ந்த அவருக்கு வட இந்திய மக்களிடம் ஏகோபித்த பேரும் புகழும் நம்பிக்கையும் அதிகரித்து இருந்தது.

தான் முக்தியடைய போவதாக தனது குரு தன்னிடம் கூறியதை அடுத்து அவருக்கு அடுத்தபடியாக ஆசிரமத்தை நடத்தும் பொறுப்பு இவரிடம் ஒப்படைக்கப் பட்டது. உண்மையிலுமே அதற்கு தகுதியானவராக அவர் இருந்தார்.எங்கு சென்றாலும் மக்கள் கூட்டம். பல பேர் பிரச்சினைகளுக்கு ஆன்மீக வழியில் தீர்வு என்று ஒரு நடமாடும் தெய்வமாக மக்கள் முன் உருவாகிவிட்டார் சச்சிதானந்தர்.அப்போது தான் யாருமே எதிர்பாராத அந்த சம்பவம் நடந்தது.


ஆம் கிட்டத்தட்ட எட்டு வருடங்களுக்குப் பிறகு தனது 34 ஆவது வயதில் ஒரு ஆன்மீக கூட்டத்தில் ஒரு வடக்கிந்திய ஆணுடன் தன்னிடம் ஆசி வாங்க வந்த ஒரு பெண் தன்ன ஏமாற்றிவிட்டு ஓடிய அவரின் கடந்த கால மனைவி என்று அடையாளம் கண்டுகொண்டார்.

ஆனால் அவளால் அவரை அடையாளம் கண்டுகொள்ள முடியவில்லை. முகம் முழுதும் தாடி, நீண்ட தலை முடி என்று ஒரு சாமியாருக்கே உரிய அவரை எளிதில் கண்டுபிடிப்பது சாத்தியம் இல்லை தான்.

இவ்வளவு நாளாக அடங்கியிருந்த சச்சிதானந்தரின் மனதில் உள்ள மிருகம் மீண்டும் ஆடத் தொடங்கியது. அவளைப் பார்த்த நாளிலிருந்தே அவரின் நிம்மதி பறிபோய் இருப்பதாய் அவர் உணர்ந்திருந்தார். அந்த வேளையில் தான் அதே பெண் அவரை காண வந்திருந்தாள்.

"குருஜி! நமோஷ்கார்!"

"வா குழந்தாய்! உட்கார்! உனக்கு என்ன பிரச்சினை? என் அழுகிறாய்?"


"குருஜி!அது வந்து..."

"தயங்காமல் கூறுவாய்! என்னிடம் வந்துவிட்டாய் உன் பாவங்கள் அனைத்தும் நீங்கும் நாள் நெருங்கிவிட்டது"

"ஆமாம் சாமி! கிட்டத்தட்ட ஆறு வருடங்களுக்கு முன் நான் என் கணவருக்கு செய்த துரோகம் இப்போது என்னை வாட்டி வதைக்கிறது"

"என்ன பாவம் செய்தாய்?"

"நான் என் கணவரை ஏமாற்றிவிட்டு பணத்துக்காகவும், வசதியான வாழ்க்கை வாழ ஆசைப் பட்டு இவருடன் ஓடி வந்து விட்டேன். வந்த சில நாட்களுக்கு அப்புறம் தான் புரிந்தது .இப்போது உள்ள என் கணவரால் வசதி தான் செய்து தரமுடியும். சுகம் தர முடியாது என்பதை!ஊரில் அனைவரும் என்னை குழந்தை பாக்கியம் இல்லாதவள் என்று சொல்கிறார்கள்"

"கண் கலங்காதே! நீ செய்த பாவத்தின் பலனை அனுபவித்து விட்டாய்! நீ வரும் பவுர்ணமி அன்று உன் வீடு அருகில் உள்ள அம்மன் கோவில் கிணற்றில் குளித்துவிட்டு அந்த ஈரப் புடவை அணிந்து இங்கே வா! நல்லது நடக்கும்!"


"சரிங்க குருஜி! அப்படியே செய்கிறேன்!"


பவுர்ணமி பூஜை நடந்த மறுநாள் காலையில் இந்தியா முழுவதும் செய்தி சேனல்களில் "பிரபல சாமியார் பாலியல் வழக்கில் கைது" என்ற ப்ளாஷ் நியூஸ் ஓடிக் கொண்டிருந்தது.

தனது ஆசிரம பூஜை அறையில் உள்ள ஆளுயர சாமி படங்களில் தெரிந்த பிம்பத்தில்

கையில் விலங்குடன் உள்ளே நுழையும் போலீசாரை கண்ட அவர் மனதில் தனது குருஜி கூறிய "கவலைப் படாதே மகனே. அவரவர் செய்த பாவத்துக்கு அவரவர் தண்டனையை அடைந்தே தீர வேண்டும். நீ ஆடிய ஆணவ ஆட்டத்தை உனக்கு உணர வைக்க இறைவன் இப்படி செய்து இருக்கலாம். என் மீது நம்பிக்கை இருந்தால் என்னுடன் வா.உன்னை சீடனாக ஏற்றுக் கொள்கிறேன். உனக்கு தேவை இப்போது மன அமைதி. அது இறைவனை பிரார்த்திப்பதன் மூலம் நீ அடைவாய்.மெல்ல மெல்ல இறைவனிடம் உன்னைக் கொண்டு சேர்ப்பாய்!" வார்த்தை ஒலித்தது.

அடுத்த ஐந்தாவது நிமிடத்தில் "பிரபல சாமியார் தற்கொலை" என்று அனைத்து சேனல்களிலும் செய்திகள் மாறியது.

எல்லாம் அவன் செயல்

மாங்கு மாங்கென்று மிதித்தும் சைக்கிள் மிகவும் மெதுவாக செல்வது போல ஓர் உணர்வு ஷ்யாமுக்கு. "இப்பவே பத்து நிமிஷம் லேட்டு! இனி நான் எக்ஸாம் ஹால் உள்ள நுழையறதுக்குள்ளே இருபது நிமிடம் லேட் ஆயிடுமே!எல்லாம் அவனால தான்..ச்சே!!" என்று எண்ணியவாறு சைக்கிள் பெடலை இன்னும் வேகமாக அழுத்தத் தொடங்கினான்.

வேர்த்து விறுவிறுக்க பள்ளியை அடைந்தபோது நேரம் சரியாக 2 :20. "எவன் தான் இந்த எக்சாம் எல்லாம் மதியானம் வைக்கலாம்ன்னு ஐடியா கொடுத்தானோ?அவன் மட்டும் என் கைல கெடைச்சான்...மவனே சாவடிச்சுடுவேன்." மனதிற்குள் முனுமுனுத்துக்கொண்டே சைக்கிளை ஸ்டாண்டில் போட்டுவிட்டு தேர்வு அறையை நோக்கி ஓடினான் ஷ்யாம்.

ஷ்யாமைப் பற்றி சொல்லவேண்டுமே ஆனால் அவன் படிக்கும் வகுப்பிலேயே அவன் தான் முதல் மாணவன் என்றெல்லாம் சொல்லிவிட முடியாது.கடைசி பெஞ்சில் அமர்வதால் அவன் படிக்காமல் கோட் அடிக்கும் ரகமும் கிடையாது. எப்போதும் நன்கு படிப்பான் ஆனால் அவனுக்கு கிடைப்பதோ நாலு அல்லது ஐந்தாம் ரேங்க் தான். தமிழ் பாடம் என்றால் ஷ்யாமுக்கு உயிர். தமிழிலில் மட்டும் எப்போதும் இவன் தான் முதல் மார்க். தமிழ் பாடத்தில் இவனை அடிச்சுக்க அந்த பள்ளியிலே ஆள் இல்லை என்ற அளவுக்கு இருந்தது.அவனது கையெழுத்தும் தமிழ்,ஆங்கிலம் இரண்டிலும் அச்சு கோர்த்தது போல இருக்கும். அவன் தேர்வு எழுதும் முறையும் அருமையாக இருக்கும்.

எப்போதுமே நம்ம பள்ளி வாத்தியாருங்களுக்கு ஒரு மனோபாவம் இருக்கும். ஒருத்தன் மூணு நாலு தடவை முதல் ரேங்க் எடுத்து அவங்க சொல்றதை அமைதியா கேட்டுட்டு எதிர்த்து பேசாம இருந்தாலே போதும், காலத்துக்கும் அந்த மாணவன் தான் முதல் ரேங்க் எடுப்பான்.

ஷ்யாம் நன்றாக படிப்பவன் என்றாலும் வாத்தியார்களுக்கு கூழை கும்பிடு போட மாட்டான். ட்யூஷனுக்கு போகும் அளவு வீட்டுல வசதியும் இல்லை. அதனால வாத்தியாருங்களுக்கும் அவனுக்கும் பெரிய பனிப்போரும் கிடையாது, நல்ல பேரும் கிடையாது.

ஒருமுறை இப்படி தான் தமிழ் அய்யா பாடம் நடத்திட்டு இருக்கும் போது, "அமைச்சர் தம்பிதுரை 22 கோடி ரூபாய் ஊழல் பண்ணிட்டாராம். யாருக்குமே இன்னும் தெரியாது.நாடு நாசமா போயிட்டு இருக்கு..." என்றார்.வகுப்பே அமைதியாக கேட்டுக்கொண்டிருக்க இவன் மட்டும் எழுந்து, "அய்யா எனக்கு ஒரு சந்தேகம். யாருக்குமே அவரு ஊழல் பண்ணது தெரிலைனா உங்களுக்கு மட்டும் எப்படிங்க அய்யா தெரிஞ்சது?" என்று அவன் கேட்ட கேள்விக்கு வகுப்பே சிரிக்க, தமிழ் அய்யாவோ 'வேதம் புதிது' பாலுத் தேவர் கணக்காக தனது கன்னத்தை திருப்பிக் கொண்டது வேறு விஷயம். இது போல இன்னும் பல குதர்க்கமான கேள்விகள் கேட்டு தன் குறும்புத் தனத்தையும், அதிமேதாவித் தனத்தையும் காண்பிக்க துடிக்கும் மாணவன் தான் ஷ்யாம்.
இருபது நிமிடம் தாமதமாக தேர்வு அறை உள்ளே நுழைந்த ஷ்யாம் அனைத்து மாணவர்களும் வேகவேகமாக மனப்பாடம் செய்ததை எழுத்துக்களாக்கி கொண்டிருப்பதை பார்த்தான்.அவனுக்கு பிடித்த தமிழ்த் தேர்வு வேறு. தமிழ் இரண்டாம் தாள் தேர்வு அது. கட்டுரை அது இது என்று நிறைய கதை எழுத வேண்டிய அவசியம் இருக்கும். நம்மாளோ இருபது நிமிடம் லேட்டு. பேந்த பேந்த முழித்துக் கொண்டு வாசலில் நின்றான்.

அறை உள்ளே இருந்து இவனைப் பார்த்த ஆசிரியர், "வாங்க சார். இப்போ தான் எக்சாமுக்கு வர டைம்மா? எங்க போயி ஊரு சுத்திட்டு நிதானமா வரீங்க...உனக்கு எல்லாம் திமிரு டா..தமிழ் பேப்பர் தான எப்படியும் இஞ்சினியரிங் அல்லது மெடிக்கல் என்ட்ரன்ஸ்சுக்கு தேவைப்படாது. அதானே..போ போ போயி உள்ள உக்காந்து என்னத்தையோ எழுதி தொலை.அட்லீஸ்ட் பாஸ் பண்ற வழிய பாரு.அப்போ தான் ஆர்ட்ஸ் காலேஜ்ல கூட சேர முடியும்." என்றார்.

"இந்தாளு வேற இருக்கிற பிரச்சினைல இன்னும் கடுப்பேத்திக்கிட்டு...எக்ஸாம் முடியட்டும்.அவனுக்கு இருக்கு.எல்லாம் அவனால தான்.ச்சே! " மனசுக்குள்ளே பேசிக்கொண்டபடி அவரிடமிருந்து வினாத்தாள் வாங்கிக் கொண்டு தன் இருக்கையை நோக்கி சென்றான்.

இவன் வருகையை எதிர்பார்த்து இவனை சுற்றி அமரும் நான்கு பேர் காத்துக்கொண்டிருந்தார்கள்.எப்போதும் இவன் எழுதுவதில் பாதியாவது அவர்களும் எழுதி விடுவார்கள்.அப்படி ஒரு அண்டர்ஸ்டாண்டிங் அவர்களுக்குள். எப்படி விடைகளைக் கொண்ட கேள்வித் தாள் கைமாறும் என்பது அந்த ஆண்டவனுக்கே வெளிச்சம்.


தேர்வு நேரம் முடிந்தது.இரண்டாம் வார்னிங் பெல்லும் அடிக்கப் பட்டது.இவன் மட்டும் அதிவேகமாக, பரபரப்பாக எழுதிக் கொண்டிருக்க, அந்த அறை கண்காணித்த ஆசிரியர், "போதும் டா..நூலைக் கட்டு..பேப்பரை கொடு." என்றார்.

"சார் சார்...இன்னும் அஞ்சு நிமிஷம் இருக்கு சார்..இருங்க சார்...முடிஞ்சா அளவுக்கு எழுதிடுறேன்.ப்ளீஸ் சர் வெய்ட் பண்ணுங்க" என்றான்.


"இவ்ளோ அறிவிருக்குறவன் சீக்கிரமா வந்திருக்கணும் பா...லேட்டா வந்துட்டு கடைசி வரைக்கும் எழுதினா முழுசா எழுதிட முடியுமா? என்ன எழுதினாலும் கழுத தேற போறது இல்ல.அப்புறம் எதுக்கு டா இப்படி கஷ்டப்படுற..என்னையும் கஷ்டப்படுத்துற...பேப்பரை கொடு டா" வெடுக்கென்று பேப்பரை அவனிடமிருந்து புடுங்கிக் கொண்டார்.

வாத்தியாரை முறைத்துக் கொண்டே சலிப்புடன் வெளியே வந்த ஷ்யாமிடம் அவனது நண்பர்கள்,

"ஏண்டா லேட்டு? என்ன டா சோகமா இருக்க?"

"இல்ல டா! ஒழுங்காவே எழுதல. ரெண்டு பத்து மார்க்கு கேள்வி எழுதல. அதுக்குள்ள டைம் முடிஞ்சுடிச்சி...இந்த வாத்தியாரு வேற பேப்பரை புடுங்கிட்டான்."

"அட விடுறா...முன்னாடியே வந்து நாங்களும் தான் உக்காந்துட்டு இருந்தோம்..ஒண்ணுமே எழுத முடியலை...பதில் தெரியலை.நீ வந்ததுக்கு அப்புறம் அறை மணி நேரம் கழிச்சு தான் நான் எழுதவே ஆரம்பிச்சேன். எனக்கு நூறு மார்க்கு தான் வரும். நானெல்லாம் சந்தோஷமா இல்ல.."

"அது இல்லைடா...தமிழ் எனக்கு ரொம்ப புடிச்ச சப்ஜெக்டு. எப்படியும் அட்லீஸ்ட் டிஸ்ட்ரிக்ட்ல முதலா வந்துடனும்ன்னு நெனச்சேன்...இப்போ அது முடியாது...ச்சே"


"ஏன்டா லேட்டு? பஸ்ஸை விட்டுட்டியா?"

"டேய்..அவன் இப்ப சைக்கிள்ல வரான் டா"

"ஒஹ் அப்போ சைக்கிள் பஞ்சர் ஆயிடுச்சா?"

"இல்ல டா..எல்லாம் அவனால தாண்டா..."

"யாரு டா?"

"அவன் தாண்டா நம்ம நரேஷ் இருக்கான்ல..ஸ்டடி லீவ்ல படிக்கும் போது, மதியானம் எங்க வீட்டுக்கு பக்கத்துல இருக்குற "ஸ்ரீ பவன்" ஹோட்டலுக்கு போயி அன்லிமிட்டட் மீல்ஸ் ஒரு கட்டு கட்டுவோம். ருசி நாக்குல ஒட்டிகிச்சு.அதான் இன்னிக்கும் நான் மெய் மறந்து சாப்பிட்டுட்டே எக்ஸாம் வர மறந்துட்டேன். எல்லாம் அவனால தாண்டா..."

"அடப் பாவி...நீ எல்லாம் மனுஷனாடா? ஒருவார்த்தை என்கிட்டே சொன்னியா டா? சொல்லி இருந்தா நானும் இன்னிக்கு உன்கூட சாப்பிட வந்திருப்பேன்ல...துரோகி.." என்ற நண்பனிடம் என்ன சொல்வது என்று தெரியாமல் விக்கித்து நின்றான் ஷ்யாம்.

டக்கால்டி டங்குவாரு அறுந்த கதை..

வணக்கம் நண்பர்களே...என் தளம் மாயமான தகவல் அறிந்திருப்பீர்கள். அப்படி ஆனால் என்னென்ன செய்யலாம் என்பதை விளக்கும் முயற்சியே இந்த இடுகை. வருமுன் காப்பதே சாலச் சிறந்தது என்ற பழமொழிக்கேற்ப அனைவரும் இன்றே நான் கூறப் போகும் கூகிள் 2 ஸ்டெப் வெரிபிகேஷனை செய்து கொள்ளவும்.பிறகு யார் உங்கள் தளத்தை வேறொரு ஐ.பி அட்ரஸில் இருந்து ஓபன் செய்ய முயற்சித்தாலும் நீங்களே வேறொரு ஐ.பி யில் இருந்து முயற்சித்தாலும் ஓபன் செய்யும் முன் ஒரு சங்கேத எண்ணை நீங்கள் பதிவு செய்த மொபைல் நம்பருக்கு அனுப்பி வைத்துவிடும்.அது தெரிந்தால் தான் மற்றொரு நபரால் பிறகு உங்கள் தளத்தை ஹாக் செய்ய முடியும்.

முதலில் உங்கள் ஜி-மெயில் அக்கவுண்டை ஓபன் செய்து கொள்ளுங்கள்.படத்தில் உள்ளவாறு டீடைல்ஸ் என்ற சுட்டியை அமுக்குங்கள்.

அடுத்த திரையில் எந்த ஐ.பி இலிருந்து நீங்கள் உங்கள் கூகிள் அக்கவுண்டை ஓபன் செய்தீர்கள் என்ற தகவல்களை காண்பிக்கும். இதை வைத்தே வேறு யாரேனும் உள்நுழைய முயற்சித்தார்களா என்று கண்டுபிடித்து விடலாம். ActiveWhois என்ற மென்பொருள் உதவியுடன் ஐ.பி அட்ரசின் டொமைன் உணர் யார் என்று நான் கண்டு பிடித்து விட்டேன். சென்னை சேர்ந்த ஒரு பக்கி என் தளத்தை ஹாக் செய்ய முயற்சித்து இருக்கின்றது.அதற்கு என் மேல் என்ன கோபமோ தெரியவில்லை.மேலதிக தகவல்களுக்கு http://www.johnru.com/active-whois/ செல்லவும்.

அதில் முதலில் நீங்கள் செய்ய வேண்டியது signout all other sessions என்ற பட்டனை சொடுக்குவது தான். யாரேனும் அந்த கணப் பொழுதில் உங்கள் அக்கவுண்டை பயன்படுத்திக் கொண்டிருப்பினும் இதனால் அவர்களை வெளியேற்ற செய்ய முடியும். பின் உடனடியாக உங்கள் அக்கவுண்டின் பாஸ்வேர்டை மாற்றிவிடுங்கள்.

பிறகு படத்தில் உள்ளவாறு அக்கவுன்ட் செட்டிங்க்ஸ் செல்லுங்கள். அதில் கீழுள்ள படத்தில் ஹை லைட் செய்தது போல செக்யூரிட்டி ஆப்ஷன்சில் உள்ள ௨ ஸ்டெப் வெரிபிகேஷன் என்ற சுட்டியை கிளிக்கவும்.பிறகு கீழ் உள்ள படங்களில் காட்டியது போல தொடரவும்.

உங்கள் மொபைலுக்கு சங்கேத குறியீடு எண் அனுப்பப்படும்.அது ஒவ்வொரு முறையும் மாறும். எனவே உங்கள் சரியான உபயோகத்தில் உள்ள கைபேசி எண்ணை கொடுங்கள்.பேக் அப் மொபைல் எண்ணாக உங்களுடைய மற்றொரு மொபைல் எண்ணையோ அல்லது உங்கள் நம்பத்தகுந்த நபர்களின் எண்ணையோ கொடுக்கலாம்.

இடையில் பேக் அப் கோட்கள் வரும். அவை பத்து பத்திலக்க எண்கள்.அதை குறித்து வைத்துக் கொள்ளுங்கள். மேலே படத்தில் எனது பேக் அப் கோட்களை மறைப்பதற்காக அழித்து இருக்கிறேன். இறுதியாக turn on வெரிபிகேஷன் என்ற பட்டனை கிளிக்கவும்.வந்தே மாதரம் சசி அவர்கள் ஏற்கனவே இதைப் பற்றி பதிவிட்டு இருக்கிறார். அவரது இடுகைக்கான சுட்டி இதோ.

அவ்ளோ தான் இனிமேல் யார் உங்கள் அக்கவுண்டை யூஸ் பண்ண முயன்றாலும் உங்கள் மொபைல் போனுக்கு குறியீடு எண் கொண்ட அலேர்ட் வந்து விடும்.

I can't find my blog on the Web, where is it?, இது தான் எனக்கு வந்த எரர் மெஸ்சேஜ். இதற்கு என்ன செய்ய வேண்டும் என்று இந்த பதிவர் கூறி இருக்கிறார்.தவறாமல் படித்து பாருங்கள் கண்டிப்பாக பயன்படும்.இவர் கூறிய முறைகளை பின்பற்றி எனது கருத்துகளை ரிக்வெஸ்ட் ஆக கூகிளுக்கு அனுப்பி வைத்தேன்.24 மணி நேரத்தில் என் தளம் திரும்ப கிடைத்து விட்டது.

மேலும் நமது இடுகைகளில் ஸ்பாம் கமெண்டின் மூலம் நமது தளத்தை ஹாக் செய்யலாம். எனவே அனைவரும் கமென்ட் மாடரேஷன் வைத்துக் கொள்ளவும்.

ஒரு பலான வெப் சைட்டின் இணைய முகவரியை உங்கள் இடுகையில் அனானி கமெண்ட்டாக நான் போட்டு விட்டு கூகிளிடம் உங்கள் தளத்தை பற்றி முறையிடலாம்.ஸ்பாம் கமென்ட் இருப்பின் உங்கள் தளமும் ஸ்பாம் என கொள்ளப் படும்.கூகிள் ஸ்பாம் தளத்தை அழித்து விட அவர்களுக்கு உரிமை உண்டு.

மேலதிக தகவலுக்கு கூகிளில் "how to report a spam blog " என்று தேடி பாருங்கள்...அல்லது ஆங்கில எழுத்துக்களின் மேல் சொடுக்குங்கள்.பல உண்மைகள் விளங்கும்.இவை அனைத்தும் இந்த அனுபவத்தின் மூலம் நான் தெரிந்து கொண்டவை.

இறுதியாக முக்கியமாக ஒவ்வொரு இடுகை இட்ட பின்பும் உங்கள் தளத்தின் HTML/XML/CSS கோடை எச்போர்ட் செய்து வைத்துக் கொள்ளவும்.

பழைய தளம் கிடைத்து விட்டது

நண்பர்களே,

பழைய தளம் கிடைத்து விட்டது...சிரமத்துக்கு மன்னிக்கவும். யார் அழிக்க முயன்றார் என்ற விவரத்தை கண்டுபிடிக்க முயற்சித்து வருகிறேன். இதைப் பற்றி விளக்கமாக ஒரு இடுகையில் சொல்கிறேன்.

நன்றி,

டக்கால்டி

ஸ்டார் கவிதை (அப்படின்னு அவங்களே சொல்லிக்குவாங்க)

இது ஸ்டார் ஹைக்கூ...நம்ம தமிழ்த் திரையுலக நட்சத்திரங்கள் எல்லாம் ஹைக்கூ எழுதினால் எப்படி இருக்குமுன்னு ஒரு சிறிய கற்பனை.இது முழுக்க முழுக்க ஜாலிக்காகவே எழுதப் பட்டது. படிச்சுட்டு சீரியஸ் ஆனா அதுக்கு கம்பெனி பொறுப்பல்ல. படிச்சுட்டு புரியலைன்னு விளக்கம் கேட்டாலும் கம்பெனி பொறுப்பில்லை...ஹி ஹி...


முதலில் கேப்டன் விஜயகாந்த்:


ஊத்திக் கொடுக்கும் வரை உறவு

ஹ்ம்ம்.. நான்
அங்கிட்டு போனேனா 41
ஹ்ம்ம்..இங்கிட்டு போனேனா 100க்கு மேலே
எங்க போனாலும்
தெய்வமும் நீங்களும்
தான் என் கூட்டணி
ஹ்ம்ம்..வர்ட்டா ஹ்ம்ம்...


டாகுடறு விஜய்:

மாமிச உடம்பு மனுஷனுங்ண்ணா



ண்ணா..
அஹ் வணக்கமுங்ண்ணா
அஹ் காந்திங்ண்ணா
அஹ் எம்ஜியாருங்ண்ணா
அஹ் ஜெயலலிதாங்ண்ணா
அஹ் விஜயகாந்துங்ண்ணா
இப்போ நானுங்ண்ணா
ஹி ஹி...
வரட்டும்மாங்ண்ணா


அலட்டல் நாயகன் அஜீத்:


அது

ஏலே
தனியா முளைச்ச காட்டுமரம்லே
நெறைய பேஸ்டேன் பாஸ்
விழாவுக்கு வர சொல்லி
வற்புறுத்துறாங்க அய்யா
கான்பிடேன்ஸ் பாஸ்
கான்பிடேன்ஸ்
அது!!!


சூப்பர் ஸ்டாரு :


கண்ணா...ஹா ஹா ஹா

கடமை செய் பலனை (பழனி) எதிர்பார்
அரோகரா அரோகரா
யானை இல்ல குதிரை
இப்போ ஒரு குட்டி கதை சொல்றேன்
'இப்போ ஒரு குட்டி கதை '
கதையா
அதான் சொல்லிட்டேன்ல
ஹா ஹா ஹா
வர்ட்டா கண்ணா...


விரலு நடிகரு:

ஆஹ் விரலு ஆஹ் விசிலு

எனக்கு நடிக்கத் தெரியாதுய்யா
எங்கப்பா எனக்கு திரைல நடிக்க
கத்துக் கொடுத்து இருக்காரு
வாழ்க்கைல நடிக்க சொல்லித் தரலை
(உருப்படியா ஆகமொத்தம் எதுவும் சொல்லித் தரல)
எவன்டி உன்ன பெத்தான்
மொட்டை மதன் இல்லை மன்மதன்
இந்த நடிப்பு மட்டும்
திரையிலும் வாழ்க்கையிலும்!


பெருங்கரடி:

டண்டணக்கா ஹே டணக்குணக்கா!

ஹவ் டூ யு சே
ஐ ஆம் நாட் எ க்ரவுட் புல்லர்
மானமுள்ள தமிழன்
டப்பு டிப்பி டாப்பு டிப்பி
டுப்பு டப்பு டூப்பு டாப்பு
இது தான் என் மெட்டு
அதுக்கேத்த பல பாட்டு
யு ஆர் ப்ரம் விச் டெலிவிஷன்?


காமெடியன் செந்தில்:

அண்ணே நீங்க அறிவுக் கொழுந்துண்ணே


அண்ணே
இதுல எப்புடிண்ணே விளக்கெரியும்
அதானே இது
அஹாண்ணே
எனக்கு அமேரிக்கவில சூட்டிங் இருக்குது
அதனால் தான் சொல்கிறேன்
காத்தவராயனுக்கு ஓட்டுப் போடுங்கள்
புலிக்குட்டி ப்ரதர் பூனைக்குட்டி
ஹரே ஒஹ் சாம்போ!


குழப்ப நாயகன் கமலஹாசன்:

ஆஹ் ஆஆஅஹ் ஆஆஹ்!!



வணக்கம்
டாவுக்கு கண்ணு டொக்கு
சொத்தைப் பல்லுக்கு
சொத்தையே பிரிக்கிறதா
உன் உள்பாடி சைஸ் என்ன?
கடவுள் இருந்தா நல்லா
இருக்கும்னு சொல்றேன்
நல்லவனா கெட்டவனா?
கடவுள் பாதி மிருகம் பாதி
கண்ணுக்குட்டி அம்மா
செத்து போச்சு கண்ணுக்குட்டி
ஏற்றத் துணியும் அணி சேர்த்துக்கணுமா?
அன்பே சிவம்!
அடியேன் ராமானுஜதாசன்
இல்லை கமலஹாசன்!


தலைவரு கவுண்டமணி:

அடங்கொன்னியா!


இதுக்கு பேரு தான் மேண்டில்
இதுக்கு தான் ஊருக்குள்ள ஒரு
ஆல் இன் ஆல் அழகுராஜா வேணும்ங்கறது
யூரின் வரட்டும் வரட்டும்
துன்பத்திலும் இன்பம்
கொசு தொல்லை தாங்க முடியல டா
தொழிலதிபர் தொல்லை தாங்க முடியலைடா
நான் பால்காரன்
நர்ஸ் இல்லடா பர்சு..பர்சு...
டிப்பன் பாக்ஸ் தலையா
கரிச்சட்டி தலையா
கோமுட்டி தலையா
பிசாசு தலையா
அட போங்கடா
சொறி புடிச்ச மொண்ணை நாய்ங்களா...
காத்து ரெண்டுலயும் குய்ன்ன்னு கேக்குது
ஐயோ சிரிக்கிறா டா சிரிக்கிறா
ஐ ஆம் கிரேட் தி மிஸ்டேக்
டன் தி மிஸ்டேக்!!!


இனி ஸ்டார்ட் ம்யூசிக்..எனக்கு அர்ச்சனை ஆரம்பியுங்க...

பிக்கப்பு-ட்ராப்பு-எஸ்கேப்பு

"என்னப்பா சொல்ற?" அதிர்ச்சியின் உச்சத்தில் சுசியின் குரல் நடுங்கியது.

"ஆமா!நான் உண்மையா தான் சொல்றேன்.நம்ம ரெண்டு பேருக்கும் ஒத்து வராது.பேசாம நாம ரெண்டு பேரும் பிரிஞ்சுடலாம்.அதான் நல்லது" என்றான் தருண்.

"ஹே!சும்மா விளையாடாத...எப்பப் பார்த்தாலும் உனக்கு விளையாட்டு தான்..." என்று செயற்கை புன்னகையை முகத்தில் வரவழைத்து சொன்னாலும் அவள் முகத்தில் சிறு கலக்கம் இருந்தது.

"ஆமா, நீ என் மாமன் பொண்ணு பாரு..உன்கிட்ட விளையாடுறது தான் எனக்கு வேலை.நான் சீரியஸா தான் சொல்றேன்.நம்ம ரெண்டு பேரும் இதோட பிரிஞ்சுடலாம்"

"அதான் ஏன்? டேல் மீ ஒன் குட் ரீசன். இவ்ளோ நாள் நல்லா தான் போச்சு. நல்லா தான பழகினோம். இப்போ மட்டும் என்ன திடீர்னு? நான் எதாச்சும் தப்பு
பண்ணிட்டனா? எதுனாலும் சொல்லு நான் திருத்திக்கிறேன். ஐ நீட் யு டா!!! ஐ லவ் யூ சோ மச் டா!!!" என்று கூறியவளின் குரல் உடனே உடைந்தது. உடம்பு குலுங்கியது..கண்களில் நீர்த்திவலை.



"இல்ல சுசி..எனக்கு சொல்றதுக்கே கஷ்டமா இருக்கு...பட் சொல்லி தான் ஆகணும்.உன் மேலே எனக்கு எந்த கோபமும், வெறுப்பும் இல்ல. வீட்டுல நம்ம லவ் விஷயத்தை பத்தி சொன்னேன். உங்க வீட்டுலயும் பிரச்சினை. அந்த பொண்ணு அவுங்க வீட்டுல முதல்ல பேசட்டும், அப்புறம் பார்க்கலாம் என்று ரெண்டு மாசம் முன்னாடி சொன்னவங்க,இனிமே அதைப் பத்தி எங்க கிட்ட பேசாதேன்னு சொல்லிட்டாங்க.யோசிச்சு பார்த்தேன்.அவங்க சொல்றதுலயும் சில நல்ல விஷயங்கள் இருக்கு. அதான்..." என்று இழுத்தான் தருண்.


"அப்போ இவ்ளோ நாள் என்னை நீ உண்மையாவே லவ் பண்ணல இல்ல. ஊர் சுத்துறதுக்கும், உடம்பை தடவுறதுக்கும் தான் உனக்கு நான் தேவைப் பட்டிருக்கேன். அதெப்படி டா எல்லா ஆம்பளைங்களும் ஒரே மாதிரி இருக்கீங்க? ஒ.கே இனிமே என் முகத்துலேயே முழிக்காத...நான் எப்படியோ தொலைஞ்சு போறேன்.குட் பை" என்று கூறியவுடன் அவனை திரும்பிகூட பார்க்காமல் சென்று விட்டாள்.


இரவு 8 மணி, சென்னையில் ஒரு டாஸ்மாக்கில்...


"மாப்ள, எப்படியோ சில ஐடியாக்களை யோசிச்சு, சில சினிமா வசனம் எல்லாம் மிக்ஸ் பண்ணி எப்படியோ சுசியை கழட்டி விட்டுட்டேன் டா, சோ உனக்கு இன்னிக்கு ட்ரீட்.எவ்ளோ வேணும்னாலும் குடிச்சுக்கோ. ஐ ஆம் வெரி ஹாப்பி." என்றான் தருண் தன் நண்பன் ஹரியிடம்.


"ஆமாம் டா. இப்போ தான் உன் கிட்னியை யூஸ் பண்ணி ஒரு நல்ல காரியம் பண்ணிருக்கே. இதுல ட்ரீட் வேற.இப்போ அடுத்து நீ வேற தாரிகான்னு ஒரு பொண்ணை லவ் பண்றதா சொல்லிக்கிட்டு இருக்க. அதையும் இதே மாதிரி மேட்டர் முடிச்சதும் கழட்டி விடப் போறியா?"


"மச்சி என்னடா சொல்ற...தாரிகா சுசிய விட செம அழகு டா...செம ஹோம்லி, செம ஸ்ட்ரக்சர், லவ்லி கேள் டா அவ...அவளைப் போய் கழட்டி விடுவேனா நான்? நல்லா நோட் பண்ணிக்கோ அவள் தான் எனக்கு இல்லத்து அரசி..."


"ஆமா இப்படி தான் சுசியை பார்க்கும் போதும் இதே டையலாக் விட்ட...நீ காமிச்ச தாரிகவை விட சுசி கொஞ்சம் கலரும், அழகும் கம்மி தான் டா. ஆனா அது தான் இயல்பான அழகு. தாரிகா மேக் அப் கலைச்சா எப்படி இருப்பாளோ? சரி எனக்கென்ன அதைப் பத்தி கவலை. அது உன் பாடு? ஆனா ஒரே ஒரு கேள்வி மாப்ள, அதெப்படி டா எல்லா பிகர்களும் என்ன மாதிரி நல்ல பசங்களை எல்லாம் விட்டுட்டு உங்களை மாதிரி கேரக்டர் கிட்ட உடனே விழுந்துடுறாங்க?"


"அதுக்கு எல்லாம் திறமை வேணும் டா..உனக்கு எதுவும் இன்னும் மடங்கலைன்னு பொறாமைல பேசாதே...தண்ணியை குடி தண்ணியை குடி..."


"ஆமாம் டா. நீ செஞ்சுட்டு இருக்கிற கேடு கெட்ட காரியத்துக்கு நண்பன் ஆச்சேன்னு ஒத்து ஊதுறேன் பாரு..நீ ஏன் சொல்ல மாட்ட?"


"மாப்ள கோச்சுக்காத டா. அவனவன் ஆறேழு பிகரை கழட்டி விட்டுட்டு ஒண்ணுமே தெரியாதவன் மாதிரி சுத்துறாங்க...நான் இப்போ தானடா ஆரம்பிச்சு இருக்கேன். அது என்னமோ தெரியல, சுசியை விட தாரிகா பெட்டரா தோனுச்சு அதான். ஆனா நீ சொல்றதும் சரி தான். நான் ரொம்ப கேவலமா போய்கிட்டு இருக்கேன். சுசி இன்னிக்கு சாயந்திரம் நான் அவளை லவ் பண்ணலைன்னு சொல்ல சொல்ல பயங்கரமா அழுதா டா...பாவம் டா சுசி..."


மப்பு மண்டைக்கேற உளற ஆரம்பித்த தருண் ராவாக குவார்ட்டர் பாட்டிலை கவுத்த முயற்சித்து மட்டை ஆனான்.சுயநினைவு இழந்த தருணத்திலும் அப்போது அவன் வாய், 'சுசி! சுசி!' என்று உளறுவதை கவனித்த ஹரி, "என்ன ஜென்மமடா நீங்க எல்லாம்?உங்களை எல்லாம் பெத்தாங்களா இல்லை செஞ்சாங்களா?நாய்க் காதல் பண்ற நாய்ங்களா.." என்றான்.


அதே நாள் இரவில், தி.நகர் கேள்ஸ் பி.ஜி ஒன்றில்,


"என்னடி சுசி? இன்னிக்கு ரொம்ப சந்தோஷமா இருக்குற மாதிரி தெரியுது? உன் ஆளு கூட ஊரு சுத்திருப்ப போல இருக்கே" என்றபடியே சுசியிடம் கேட்டவாறு அறையில் நுழைந்தாள் அவள் தோழி மலர்விழி.


"ஆளா? அவன் எல்லாம் ஒரு ஆளா? அவன் மூஞ்சும், முகரையும்...ஓட்ட டூ வீலர் ஒன்னை வெச்சுகிட்டு அவன் கொடுக்குற சீன் இருக்கே...எதோ அவன் கூட சுத்துனதுல நல்லா டைம் பாஸ் ஆச்சு...ஓசியில நல்லா ஊரை சுத்துன மாதிரியும் ஆச்சு.நம்ம வேலைக்கு வெச்ச ஆளுங்க கூட இப்படி எல்லாம் பண்ணமாட்டாங்க..அதுனால நானும் கொஞ்ச நாள் ஓட்டிகிட்டு இருந்தேன். எப்போ பிரஷாந்த் என்னை கார்ல பிக் அப் பண்ணானோ அப்பவே அடுத்த காதலும் பிக் அப் ஆயிடுச்சுடி...நானா எப்படி தருணை கழட்டி விடலாம்னு யோசிச்சுட்டு இருந்தேன். இன்னிக்கு அவனே முந்திக்கிட்டான். சும்மா அழுவுற மாதிரி ஒரு சின்ன பெர்பார்மன்ஸ் கொடுத்துட்டு வந்துட்டேன்.இனிமே அவனா வந்து மறுபடியும் தொல்லை பண்ணா கூட அவனை ஈவ் டீசிங்க்ல மாட்டி விடுறதுக்கு என் பக்கம் ஸ்ட்ராங்கா இருக்கு. எப்படியோ இப்ப தான் நான் சந்தோஷமா இருக்கேன்" என்றால் சுசி.


ஆனால் பாவம் ஹரிக்கும் சரி, தருணுக்கும் சரி இந்த விஷயம் தெரிந்திருக்க வாய்ப்பு இல்லை.

அதே நேரம் அதே இடம்....

"ரெண்டு குவார்ட்டர் நெப்போலியன்...ஒரு சென்னா மசாலா...அரை பாக்கெட் கிங்க்ஸ்...ஒரு அரை லிட்டர் கோக்... மூணு பாக்கெட் தண்ணி கொடுங்க..."

"வேற எதாவது வேணுமா சார்?"

"ஹலோ நாம வழக்கமா சொல்றத சொல்லிட்டேன் மச்சி? அவ்ளோ தான...வேறெதுவும் வேணாமில்ல...சரி நீ சீக்கிரம் வாடா..மேட்ச் ஸ்டார்ட் ஆகப் போகுது.ஓகே பை... ஓகே பாஸ். இப்போதைக்கு இது போதும். சாப்பிட்டு சொல்றோம். முதல்ல இதை கொஞ்சம் வேகமா கொண்டு வாங்க." சட்டையின் மேல் ரெண்டு பட்டனை கழட்டி காலரை சற்று மேல் தூக்கி விட்டு தாடியை தடவிக்கொண்டே வேளச்சேரி ரூப் டாப் டாஸ்மாக் சாரில் ரிலாக்சாக சாய்ந்து பெருமூச்சு விட்ட படி காத்திருந்தான் ராம்.


இன்னும் பத்து நிமிடத்தில் இந்தியா-பாகிஸ்தான் உலகக்கோப்பை காலிறுதி கிரிக்கெட் போட்டி. அதை டாஸ்மாக்கில் தண்ணி அடித்துக் கொண்டே குடிமகன்களின் கும்மாளத்துடன் பார்த்து கொண்டாடுவது என்று முடிவு செய்து இருந்தனர் ராமும் அவனது நண்பன் லெனினும்.லெனின் வருகைக்காக தான் காத்திருக்கிறான் ராம். லெனினும் ராமும் ஒன்றாகப் படித்தவர்கள் இல்லை. ராமின் பள்ளி நண்பனின் கல்லூரி நண்பன் ஆனதால் லெனினும் ராமின் நண்பன் ஆகிப் போனான். சொல்லப் போனால் இருவருமே சில நாட்களிலேயே தமக்குள் பல கருத்துக்கள் ஒத்து போவதை உணர்ந்து நெருங்கிய நண்பர்கள் ஆகிவிட்டனர்.


"வணக்கம் மச்சி...சாரி கொஞ்சம் லேட் ஆயிடுச்சி.." ராமின் எதிர் சீட்டில் அமர்ந்தான் லெனின்.


"வாடி மாப்ள...இதே பொழப்பா போச்சு உனக்கு...ரூம்ல தண்ணி அடிக்க கூடாதுன்னு சொன்னாலும் சொன்னாங்க...நம்ம பொழப்பு நாறப் பொழப்பு ஆயிடுச்சு மச்சி"


"இன்னிக்கு தண்ணிய போட்டுட்டு ரூம்க்கு போயி பிரச்சினை பண்ணிடலாமான்னு சொல்லு...தூள் கிளப்பிடுவோம் ..." கடுப்பானான் லெனின்.


"விடுறா மச்சான், நான் வீக்கெண்டு தான் இங்க வரேன். நீ அங்கேயே இருக்கிறவன்.எதுக்கு பிரச்சினைய பண்ணிக்கிட்டு...அவனுங்களாவது ஒழுக்கமா இருந்துட்டு போவட்டும்...அட்லீஸ்ட் அப்படி அற்பமா நினைச்சுட்டு சந்தோஷமா வாழ்ந்துட்டு போகட்டும்." என்றான் ராம்.

"மச்சி பை த பை இவரு என் கூட ஆபிஸ்ல வொர்க் பண்றவரு...இவரு பேரு கோபாலன்.என்னோட சீனியர்." இன்ட்ரோ கொடுத்தான் லெனின்.


"ஹலோ பாஸ் என் பேரு ராம்."


மேட்ச் ஆரம்பித்து 15 ஓவர் முடிந்த நிலையில் பாகிஸ்தான் அணி 100 ரன்களுக்கு 4 விக்கெட்கள் இழந்திருந்தது.இன்னொரு குவார்ட்டர் நெப்போலியன் வரவழைக்கப் பட்டது.

"அப்படி போடுங்கையா...இன்னும் முப்பது ரன்னுக்குள்ள எல்லாத்தையும் அவுட் பண்ணுங்க"

ஐந்தாவதாக இறங்கிய அப்ரிடி அவுட் ஆன சந்தோஷத்தில் குதித்தார் கோபாலன்.

பின்னர் இறங்கிய ரசாக்கும், உமர் அக்மலும் நிலைத்து ஆடி, அதிரடியாக ஐம்பது ஓவர்களின் முடிவில் அணியின் ரன்களை 280 ஆக்கி இருந்தனர்.

மீண்டும் மூன்று குவார்ட்டர் வாங்கி முடிக்கப்பட்ட நிலையில் இந்தியா 42 ஓவர்களில் 200 ரன்களுக்கு 7 விக்கெட்டுகளை இழந்து தடுமாறி கொண்டிருந்தது.

"இவனுங்க இப்படி அடிச்சுட்டானுன்களே. இப்படி தான் நம்மளை எல்லா விஷயத்துலயும் அடிக்கறானுங்க. பொறம்போக்கு கஸ்மாலங்க...சுதந்திரம் வாங்குனப்பவே நம்ம ஊர்ல இருக்குற மிச்ச பேரையும் அங்கேயே அனுப்பி இருக்கணும். நம்ம கும்பிடற கோவிலை இடிச்சுட்டு அவனுங்க கட்டுனானுங்க...அதை நாம இடிச்சா பிரச்சினை பண்றானுங்க..." என்று கொதித்தார் கோபாலன்.

"விடுங்க பாஸ்...என் பேரே ராம்...நானே கூலா இருக்கேன்..நீங்க ஏன் இப்படி டென்ஷன் ஆகுறீங்க...விளையாடும் போது தான் அந்த டீம் நமக்கு எதிரி...மைதானத்தை விட்டு வெளியே வந்தா அவங்களும் மனுஷங்க தானே...அவங்களுக்கும் குடும்பம் குழந்தைங்க இருக்கும். எல்லா ஊர்லயும் , நாட்டுலயும், இனத்துலயும் சில பேரு செய்ற தப்புக்கு ஏன் அந்த சமூகத்தையே பழி வாங்கிட்டு இருக்கோம்? கண்ணுக்கு கண் என்று அடித்து அடித்து முக்காவாசி பேரு குருடன்கள் ஆகிட்டோம்." என்றான் ராம்.

"ராம்னு பேரு வெச்சா நீங்க கடவுள் ஆயிட முடியுமா? உங்கள மாதிரி ஆளுங்கனால தான் நம்ம இந்து சமூகமே சீரழியுது.." கோபமாக உளறினார் கோபாலன்.

"என்ன சார் உளருறீங்க...நானூறு வருஷத்துக்கு முன்னாடி எப்பயோ அவங்க உங்க ராமர் கோவிலை இடிக்கும் போது பாத்துகிட்டே தானே இருந்தாங்க உங்க ஆளுங்க...அப்போ ஏன் தடுத்து நிறுத்தல?அப்போ நீங்க நான் எல்லாம் பொறக்கவே இல்ல...அப்போ உண்மையா என்ன நடந்துச்சுன்னு நம்ம யாருக்குமே தெரியாது...எவனோ காலப்போக்கில பத்த வெச்சது எத்தனை விஷயமோ....அப்ப விட்டுட்டு இப்போ எதுக்கு கிளறுறீங்க...ரோஷம் லேட்டா தான் உங்க ஆளுங்களுக்கு வந்துச்சோ?" பதிலடி கொடுத்தான் ராம்.

"சார்...உங்களுக்கு ஓவர் ஆயிடுச்சு...வாங்க கெளம்பலாம்...எனக்கும் பசிக்குது. பக்கத்துல இருக்குற தள்ளு வண்டி கடைல போயி தோசை சாப்பிடுவோம்."

பேச்சை திசை திருப்பினான் லெனின்.

அனைவரும் ஆளுக்கொரு முட்டை தோசை சொன்னார்கள். முதல் தோசையை லெனின் கோபாலனுக்கு கொடுக்க, அவர் சாப்பிடும் போதே, லெனினும் அவர் தட்டில் ஒரு பகுதியை கொஞ்சம் காலி செய்து இருந்தான். பிறகு ராமுக்கும், லெனினுக்கும் கடைக்காரம்மா தோசையை கொடுக்க, இப்போது லெனின் தட்டில் கார சட்னியை கொட்டி ஒரு பகுதியை சாப்பிட முயன்றார் கோபாலன்.

தனது தட்டில் கைவைக்க முயன்ற அவரை தடுத்து நிறுத்திய லெனினை குழப்பமாக பார்த்தார் கோபாலன்.

லெனினோ கூலாக அவரைப் பார்த்து, "மசூதி விஷயத்துல தான் நீங்க லேட்டுன்னு நினைச்சேன், முட்டை தோசை விஷயத்துல கூட நீங்க லேட்டு தான் சார். நான் உங்க தட்டுல சாப்பிடும் போதே நீங்க என்னை தடுக்காம விட்டுடீங்க. அதுக்காக நானும் அப்படி இருக்க முடியாது.ஐ ஆம் சாரி சார்." என்றான்.

என்ன செய்வது என்று தெரியாமல் விக்கித்து நின்ற கோபாலனிடம் "இந்தியா ஜெயிடுச்சே!!!" என்று தனது சந்தோஷத்தை கூச்சலிட்டுக் கொண்டு சென்றான் ஒரு இளங்குடிமகன்...

அரசியல்ல இதெல்லாம் சகஜமப்பா ...

வரும் சட்டசபைத் தேர்தலையும் தற்போது நடந்துவரும் கிரிக்கெட் உலகக்கோப்பையையும் ஒப்பிட்டு பார்த்ததில் வந்த ஒரு ஜாலி கற்பனை இது.இப்போது நான் கூறப்போகும் ஒப்பீடு முழுக்க முழுக்க ஜாலிக்காகவே, யாரும் சீரியசாக எடுத்துக் கொள்ளவேண்டாம். சரி இப்போது என்னவென்று பார்ப்போமா?

தேர்தல்=உலகக்கோப்பை 2011

க்ரூப் ஏ
========

அ தி மு க
தே மு தி க
ம தி மு க
கம்யூனிஸ்ட்
அகில இந்திய நாடாளும் மக்கள் கட்சி
அகில இந்திய சமத்துவ மக்கள் கட்சி
மார்க்சிஸ்ட் கம்யூனிஸ்ட்
மனித நேய மக்கள் கட்சி
புதிய தமிழகம்
அகில இந்திய பார்வர்ட் ப்ளாக்
அகில இந்திய மூவேந்தர் முன்னேற்ற கழகம்

க்ரூப் பி
=======

தி மு க
காங்கிரஸ்
பா.ம.க
விடுதலை சிறுத்தைகள் கட்சி
இந்தியன் யூனியன் முஸ்லீம் லீக்
மூவேந்தர் முன்னேற்ற கழகம்
புதிய பாரதம்
கொங்கு நாடு முன்னேற்ற கழகம்
பெருந்தலைவர் மக்கள் கட்சி


இந்த முறையும் விறுவிறுப்புக்கு பஞ்சம் இல்லை.இந்த தேர்தலில் கவனிக்கப்பட வேண்டிய சில தலைவர்களையும், நடந்து வரும் கிரிக்கெட் உலகக்கோப்பையில் கவனிக்கப் பட வேண்டிய சில வீரர்களையும் ஒப்பீடு செய்ததில் கிடைத்த சுவாரசியம் உங்களுக்காகவும்.

1 ) ஜெயலலிதா -சேவாக்

எதையும் பரபரப்புடன் செய்து முடிப்பதிலும், அடித்து ஆடுவதிலும் இவர்களை அடிச்சுக்க ஆளில்லை. பயம்னா என்ன? என்று கேட்பவர்கள்.இவர்களைப் பார்த்து எதிர் அணி வீரர்கள் எப்போதும் சிறிது நடுங்குவார்கள் என்பதில் சந்தேகமே இல்லை. போதிய ஆகப் பூர்வமான உழைப்பை இவர்கள் செய்ததே இல்லை, அது வலைப் பயற்சியோ இல்லை களப் பணியோ. அதை செய்வதற்கு அவசியமே இல்லை என்று திமிரோடு அலைந்தாலும் காலத்தில் வெளுத்து வாங்குவார்கள் என்பதில் சந்தேகமே இல்லை.


2) கலைஞர் - சில பாகிஸ்தான் வீரர்கள்

அணியில் நல்ல ஊழல் செய்யாத திறமையான வீரர்கள் பலர் இருந்தாலும், உள்ளிருக்கும் சில பெருச்சாளிகளை தனது தன லாபத்துக்காக தூண்டிவிட்டு பின்பு விஷயம் வெளியில் தெரிந்து குற்றச்சாட்டுகளை சமாளிக்கும் திறமையில் இவர்களை மிஞ்ச ஆட்கள் கிடையாது. அணியில் எப்போதுமே குடும்ப ஆட்களுக்கு முக்கியத்துவம் கொடுக்கப் படும். கம்ரான் அக்மாலுக்கும் அதே தான்...தயாளு அம்மாளின் ஒண்ணு விட்ட பேரனுக்கும் அதே தான். எத்தனை ஊழல் குற்றச்சாட்டுகள் புகார்கள் வந்தாலும் காலத்தில் தனது பலத்த எதிர்ப்பை வெளிப்படுத்தும் குணம் கொண்டவர்கள் இவர்கள். போட்டிக்கு முன்பு குழம்பினாலும் போட்டி அன்று சரியான நேரத்தில் தனது ராஜ தந்திரத்தையும் கடைசி அஸ்திரத்தையும் பயன்படுத்த தெரிந்தவர்கள்.

3 ) கேப்டன் விஜயகாந்த் - விராத் கோலி

துவங்கும் போது அதிரி புதிரியாக எதோ ஏனோ தானோவென்று இருந்திருந்தாலும் இந்தமுறை போட்டிக்கு சரியான திட்டமிடுதலுடன் உள்ளே நுழைந்து இருக்கிறார்கள். ஏற்கனவே இலவு காத்த கிளி போல அணிக்குள் வர துடித்துக் கொண்டிருந்தவர்களின் வயிற்றில் எரிச்சலை கிளப்பி இருக்கும் நபர்கள் இவர்கள் தான். இவர்களின் இந்த திடீர் எழுச்சி மற்ற அணி வீரர்களை கலங்கடித்ததொடு இல்லாமல் தனது அணியில் வாய்ப்பை தவற விட்ட சிலரையும் எரிச்சல் படுத்தி இருக்கிறது.


4 ) ராமதாஸ் - பிற அணியில் இருக்கும் இந்திய வீர்கள் (எ.கா : வேஸ்ட் இண்டீஸ் சர்வான், சந்தர்பால் )

இவர்கள் அணி மாறும் கலையில் சிறந்தவர்கள். எந்த அணியில் வாய்ப்பு கிடைக்கிறதோ அதை பயன்படுத்தி பேர்,புகழ் சம்பாதிப்பவர்கள்.கொள்கை,வெங்காயம் என்று எதுவுமே கிடையாது. ஏனோ தானோ என்று ஆடுபவர்கள். எப்போதாவது வெற்றி பெற்றால் இவர்கள் போடும் கூத்து யாராலும் தாங்க முடியாது.

5 ) வைகோ-டிராவிட்

இவ்விருவருமே ஒரு காலத்தில் தனது திறமையால் கொடி கட்டி பறந்தவர்கள். இன்று யாருமே இவர்களை கண்டு கொள்ளாததில் ஏற்பட்ட அதிர்ச்சியில் இருந்து இவர்கள் இன்னும் மீளவே இல்லை. இவர்களின் இன்றைய நிலைமையை அழாகாக விளக்கும் பாட்டு "ஜகமே மந்திரம் மனமே தந்திரம் மனிதன் எந்திரம் சிவசம்போ ஓஓ..."

6 ) ப.சிதம்பரம் - பாண்டிங்

இவர்கள் சற்று வித்தியாசமானவர்கள். அம்பயரை மிரட்டுவது, ஸ்லெட்ஜிங் போன்றவையை கொண்டுவந்தது என்பது இவர்களின் சாதனைகள். மிரட்டியே ஆட்டத்தின் போக்கை மாற்றுபவர்கள். உதார் விடுவதிலும், பேசியே சமாளிப்பதிலும் வல்லவர்கள். தோல்வியை ஏற்றுக் கொள்ளும் மனப்பக்குவம் இவர்களுக்கு மிகவும் குறைவே. மிரட்டி நினைத்ததை சாதித்து காட்டுவார்கள் அது 63 சீட்டாக இருந்தாலும் சரி அடுத்த ஆட்ட விக்கெட்டுகளையும் சேர்த்து 63 விக்கெட்டுகள் ஆனாலும் சரி.

7) கிருஷ்ணசாமி - இர்பான் பதான் மற்றும் கார்த்திக் - மொகம்மத் கைப்

இது காணமல் போனவர்களைப் பற்றிய அறிவிப்பு. போட்டி நேரங்களில் பெயர் அடிபடுவதொடு சரி.

8 ) சரத்குமார் - கனடா அணியின் பாலாஜி ராவ்

அணியில் இருப்பதையே தனது வாழ்நாள் சாதனையாக கருதுபவர்கள் இவர்கள். பெரிதாக சொல்லிக்கொள்ள நல்ல பின்புலமோ, அனுபவமோ, அணியோ கிடையாது.

9 ) கம்யூனிஸ்ட் தா.பாண்டியன் - ஸ்டீவ் டிக்கொலோ

ரொம்ப நாளாக அடிக்கொண்டிருந்தாலும், இப்போது வயதாகி விட்ட காரணத்தால் ஆட்டத்திறமை மங்கிபோய் உள்ளது. எதோ இடத்தை நிரப்பும் filler போல இவர்களின் பரிதாப நிலைமை. புதிய வீரர்களின் அணிவகுப்பிலும் அவர்கள் திறமையிலும் சற்று ஆடிப் போய் உள்ளனர்.


10 ) சுயேட்சைகள் - கெவின் ஒ பிரையன்கள்

எங்கேயோ எப்போதோ சோபிக்கும் அபாரத் திறன் படைத்தவர்கள். தனி ஆளாக நின்று சில ஆட்டங்களில் வென்றே கொடுத்தாலும் அது விழலுக்கு இறைத்த நீர் போல தான். பெரிதும் கண்டுகொள்ளப் படாமலே சிறு புள்ளியாய் காலப் போக்கில் மறைந்து போவார்கள்.


11) இளையதளபதி விஜய்- அஷ்வின்

இவர்கள் பேரு மட்டும் தான் அடி படும். ஆனால் இவங்க ஆட்டத்திலேயே இல்லை. இதுக்கு மேலே சொல்ல என் கிட்டயும் ஒன்னும் இல்லை.


மீண்டும் இது போல கண்டிப்பா எதாச்சும் பினாத்த வருவேன். பொறுமையுடன் படித்த அனைவருக்கும் நன்றி.

ஜிம்பலக்கடி பம்பாவும் பம்பலக்கடி ஜிம்பாவும்..

ஜிம்பலக்கடி பம்பாவும் பம்பலக்கடி ஜிம்பாவும்...

எனக்கு எப்பவுமே இந்த ரெண்டு பேரும் கன்பியுஸ் பண்றவங்க தான்..இவர்களைப் பற்றி கொஞ்சம் பார்ப்போமா?

அண்ணன் கவுண்டமணியை தெரியாதவங்க தமிழ்நாட்டுல யாரும் இருக்க முடியாது. அப்பேற்பட்ட கலைஞன் முன்னேற, கூட நடித்த கேரக்டர்களின் பங்களிப்பு அபாரமானது.உசிலமணி,பசி நாராயணன், ஓமக்குச்சி நரசிம்மன் முதல் சார்லி,வடிவேலு வரை அனைவரும் அதில் அடக்கம்.அதில் செந்தில் பெரும் பங்கு எடுத்துக் கொண்டாலும், நாம் கவனிக்காமல் விட்ட மற்ற பலரில் ரெண்டு பேர் தான் இவர்கள். பேரிலும் கூட ஒற்றுமை உடையவர்கள். ஆம் அவர்கள் தான் கருப்பு சுப்பையா மற்றும் வெள்ளை சுப்பையா.

மேலும் படிக்கும் முன்னர் இவர்களைப் பற்றிய சிறு அறிமுகம் உங்களுக்கு. இவர்களைப் பற்றி தெரியாத சிலருக்காக. இளைய திலகம் பிரபு நடித்த ஜல்லிக் கட்டு காளை என்ற படத்தில் நகைச்சுவை பகுதியில் "ஐ ஆம் ஜிம்பலக்கடி பம்பா" என்ற ஆப்ரிக்கன் அங்கிள் ஒருவர் வருவாரே அவர் தான் கருப்பு சுப்பையா. கரகாட்டக்காரன் படத்தில் வரும் "ஊரு விட்டு ஊரு வந்து" பாடலில் பின்னால்ஆடும் ஒருவராக வருபவர் வெள்ளை சுப்பையா. இவரை மேலும் எளிதாக கண்டு கொள்ள வேண்டுமே ஆனால் "வைதேகி காத்திருந்தாள்" படத்தில் வரும் "மேகம் கருக்கையிலே" என்ற பாடலை பார்க்கலாம். இப்படி மக்ககளால் அதிகம் கவனிக்கப் படாத இவர்களைப் பற்றிய ஒரு தொகுப்பு தான் இந்த இடுகை.


90 களின் தமிழ் படங்களில், குறிப்பாக கிராமத்து கதையம்சம் கொண்ட படங்களின் டைட்டில் கார்டில் இவர்களின் பேரை பார்த்திருக்கிறேன். அப்போதிலிருந்தே இவர்களில் யார் கருப்பு சுப்பையா? யார் வெள்ளை சுப்பையா? என்ற குழப்பம் இருக்கும். கொஞ்ச நாளில் வெள்ளையாய் இருப்பவர் தான் வெள்ளை சுப்பையா என்று நானே நினைத்துக் கொண்டேன். ஆச்சரியம் என்ன என்றால் அது தான் உண்மையும் கூட. அப்போதெல்லாம் இந்த அளவு மீடியா வளர்ந்திருக்காத காரணத்தால் யாரிடம் சென்று இவர்களைப் பற்றி கேட்டாலும் அவர்களுக்கும் தெரியாது. என் அம்மாவிடம் கேட்டாலோ,படிக்கறதை பத்தி யோசிக்காம இதை பத்தி யோசிக்கிறியா? என்று மோர் கடையும் மத்துடன் தரிசனம் கொடுப்பாள்.

ஒருவழியாக வெள்ளை சுப்பையாவை பற்றிய எண்ணம் திடமாகிப் போன நிலையில் கருப்பு சுப்பையா அவர்களைப் பற்றி ஒரு புதிய குழப்பம் என்னை வந்து தொற்றிக் கொண்டது. இந்த இடத்தில் அண்ணன் பசி நாராயணனைப் பற்றி கொஞ்சம் அறிமுகம் கொடுக்கவேண்டி இருக்கிறது. சூரியன் படத்தில் தலைவர் கவுண்டமணியின் அரசியல்ல இதெல்லாம் சாதரணமப்பா என்ற நகைச்சுவை காட்சியின் துவக்கத்தில் "என்னடா ஓட்டை வாய் நாராயணா!குளிக்கிறியோ இல்லையோ சிவகடாட்சமா நெத்தில பட்டை போட்டுக்குற. ஆனா இந்த மாதிரி வேலையில இருக்கறவங்க எல்லாம் இப்படி தான் இருப்பாங்க" என்று ஒருவரைப் பார்த்து சொல்வாரே அவரே தான் பசி நாராயணன். பசி என்ற படத்தில் முதலாக நடித்த காரணத்தால் அவருக்கு இந்த பெயர். இதே படத்தில் நடித்த இன்னொரு நடிகை பசி சத்யா. இவர் கமலின் மகளிர் மட்டும் படத்தில் நாசரின் உதவியாளராக நடித்து இருப்பார்.இவரும் குணச்சித்திர மற்றும் நகைச்சுவை நடிகையே.


வேடிக்கை என்னவென்றால், கருப்பு சுப்பையா என்பவர் பசி நாராயணனா இல்லை ஜிம்பலக்கடி பம்பாவா என்ற குழப்பம் எனக்கு இன்று தான் தீர்ந்தது. ஜிம்பலக்கடி பம்பா தான் கருப்பு சுப்பையா அவர்கள்.அவரைப் பற்றிய மேலதிகத் தகவல்களை என்னால் திரட்ட முடியவில்லை. நண்பர்கள் யாருக்கேனும் தெரிந்து இருந்தால் இணையத் தொடுப்பு கொடுங்கள்.இன்னொரு வேடிக்கையான விஷயம் இன்று வரையிலும் நான் நடிகை காந்திமதி மற்றும் வடிவுக்கரசியை பெயர் மாற்றிக் கூறி குழம்புவதுண்டு. எப்போது இவர்கள் திரையில் வந்தாலும் என் அம்மா கேட்கும் முதல் கேள்வி "இவ பேரு என்ன டா?" என் பதில் பெரும்பாலும் தப்பானதாகத் தான் இருக்கும்.சரியாக சொன்ன கணங்கள் எல்லாமே யூகத்தில் சொன்னவையே.


இப்போது அண்ணன் வெள்ளை சுப்பையாவைப் பற்றி நான் சேகரித்த தகவல்கள் உங்களுக்காக.

இவரின் சொந்த ஊர் கோவை மாவட்டம் அருகிலுள்ள புஞ்சை புளியம்பட்டி என்ற கிராமம். அந்த காலத்து நடிகர்கள் சொன்ன காரணத்தையே தான் இவரும் சொல்றாரு. சின்ன வயசில் படிப்பு வராத காரணத்தால் குறிப்பாக இங்கிலீஷ் வராத காரணத்தால் பள்ளி வாத்தியார் தொல்லை தாங்க முடியாமல் பள்ளியை விட்டு ஓடி வந்தவர். அம்மாவிடம் அடி உதை வாங்கி காலத்தை கடத்திய பொழுது அங்குள்ள ஒரு டூரிங் டாக்கீஸ் சென்று வேலை கேட்டுள்ளார். இவர் சொல்லும் ஒரு அபூர்வத் தகவல், அப்போதெல்லாம் டூரிங் டாக்கீசுக்கு ஆறு மாச காலம் தான் லைசென்ஸ் கொடுப்பார்களாம். அதற்குப் பிறகு லைசென்சை மீண்டும் புதுப் பித்துக் கொள்ள வேண்டுமாம்.

அந்த டூரிங் டாக்கீஸ் ஓனர் கோபிச் செட்டிப்பாளயத்தை சேர்ந்தவர். அப்போது அங்கிருந்தபடியே பல படம் பார்த்திருக்கிறார்.அப்போது பெரும் கூட்டம் கூடிய நடிகர் திலகத்தின் பராசக்தி படத்தில் அவரின் வசன உச்சரிப்பைப் பார்த்து நடிக்க ஆசைபட்டிருக்கிறார்.அந்தியூர் தேவி நாடக சபா ஓனரான கே.எம்.ரத்தினப் பிள்ளை அவர்களிடம் சென்று வாய்ப்பு கேட்டுள்ளார். இவ்வாறு ட்ராமாக்களில் ஐக்கியம் ஆன இவர் மொத்தம் 63 பேர் கொண்ட நாடகக் குழுவில் பல நாடகங்கள் நடித்து உள்ளார். அங்கு அவர்களுக்கு சொல்லிக் கொடுக்கப் பட்ட நடனம், பாட்டு அனைத்தையும் கற்றுக் கொண்டிருக்கிறார்.

பிறகு அங்கிருந்து மெட்ராஸ் வந்து லட்சிய நடிகர் எஸ்.எஸ்.ஆர், எம்.ஆர்.ராதா,எம்.ஆர்.ஆர்.வாசு, ராதாரவி, ஆர்.எஸ்.மனோகர் போன்றவர்களுடன் மூன்று வருட காலம் மேடையில் நடித்து இருக்கிறார்.அப்போது இவர் நாடகத்தின் மேல் தீராத காதல் கொண்ட பைத்தியமாக அலைந்து இருக்கிறார். அப்போது எஸ்.வி.சகஸ்ர நாமம் அவர்கள் நடத்திய ட்ரூப்பிலும் நடித்து இருக்கிறார்.

கிட்டத் தட்ட 25 -30 வருடங்கள் கலைத் துறையில் இருக்கும் இவர் நடித்த முதல் படம் சிவாஜி கணேசன் நடித்து வெளியான பாசமலர் என்ற மிகப் பெரும் வெற்றி பெற்ற சில்வர் ஜுபிலி படம். இவருக்கு மீண்டும் சினிமா வாய்ப்பு சாண்டோ சின்னப்பா தேவர் அவர்களால் கிடைத்து இருக்கிறது. இன்று வரையில் அவரை தன் தெய்வமாகவே மதித்து வருகிறார். ஏற்கனவே நடித்து இருந்தாலும் 1972 ஆம் வருடம் ஜெய்ஷங்கர்,லக்ஷ்மி நடிப்பில் வெளியான மாணவன் என்ற படம் தான் இவரது முதல் திரைப் படம் என்று இவர் கருதுகிறார். அதில் இவர் காத்தாடி ராமமூர்த்தி, பாண்டு போன்றவர்களுடன் ஜெய் ஷங்கரின் நண்பர்களில் ஒருவராக நடித்து இருக்கிறார். இவருக்கு வெள்ளை சுப்பையா என்ற பேரே சாண்டோ வைத்தது தான்.




இவர் பல படங்கள் நடித்திருந்தாலும், இவரை பலருக்கு அறிமுகப் படுத்தியது, அறிமுகப் படுத்திக்கொண்டிருப்பது ஆர்.சுந்தர்ராஜன் இயக்கத்தில் உண்டான வைதேகி காத்திருந்தாள் என்ற திரைப்படத்தில் இசைஞானியின் இசையில் வெளிவந்த "மேகம் கருக்கையிலே" என்ற பாடல் தான்.பாண்டி பஜார் ஷாப்பிங்ல இருந்த போது ஒரு லண்டன் நண்பர் இவரை பார்த்து "நேத்து தான் உன்னை லண்டனில் பார்த்தேன்." என்றாராம். பேந்த பேந்த முழித்த இவரிடம் "ஆமாங்க நேத்து தான் டி.வி ல உங்கள் பாட்டை பார்த்தேன். அந்த பாடலில் நடித்தது நீங்க தானே" என்றாராம்.இப்படி இந்த பாடல் அவருக்கு நல்ல பேர் வாங்கிக் கொடுத்ததாக கூறுகிறார். அந்த பாடல் உங்களுக்காகவும்.





ஆனால் இவர் நடித்த பாடலில் எனக்கு மட்டுமல்லாமல் பலருக்கும் பிடித்திருக்கும் பாட்டு என்றால், கரகாட்டகாரனில் வரும் "ஊரு விட்டு ஊரு வந்து" என்ற பாட்டு தான்.அந்த பாடலும் உங்க பார்வைக்காக.



பயணங்கள் முடிவதில்லை, அமைதிப்படை போன்று இவர் நடித்த பல படங்கள் சில்வர் ஜுபிலி ஆகி இருக்கிறதாம். பாவலர் கிரியேஷன்ஸ் மூலம் வெளிவந்த கரகாட்டகாரன் இரண்டு வருடங்கள் ஓடியது. இளையராஜா, பாஸ்கர், கங்கை அமரன் போன்றோரின் நட்பே தன்னை அந்த படத்தில் நடிக்க வைத்ததாகவும் குறிப்பிடுகிறார். அதே பாவலர் கிரியேஷன்ஸ் தயாரிப்பில் வெளிவந்த பிரபு-சில்க் ஸ்மிதா நடித்த கோழி கூவுது படத்திலும் நடித்திருக்கிறார். அந்த படமும் அனைத்து ஊர்களிலும் 150 நாட்கள் ஓடியதாக கூறுகிறார்.மேலும் கேப்டன் விஜயகாந்த் நடித்த அம்மன் கோவில் கிழக்காலே,வைதேகி காத்திருந்தாள் போன்ற படங்களிலும் இவர் நடித்து இருக்கிறார். இந்த வெற்றிக்கு எல்லாம் காரணம் இளையராஜாவின் இசை தான் என்றாலும், இளையராஜா, கங்கை அமரன், ஆர்.சுந்தர்ராஜனின் நட்பும் அவர்களின் எளிமையாகப் பழகும் விதமும் தான் என்கிறார்.

ஒரு காலத்தில் தேனாம்பேட்டையில் இவர், அண்மையில் மறைந்த இசை அமைப்பாளர் சந்திர போஸ், தேவா, பாஸ்கர், கங்கை அமரன் போன்றோர்கள்
ஒன்றாக வசித்து இருப்பதை குறிப்பிட்டு இருக்கிறார். இவர்கள் அனைவரும் சங்கிலி முருகன் இருந்த லாட்ஜில் அறை எண் 92 -சியை ஞாபகம் வைத்திருக்கிறார். இன்று சாலிக்ராமம் பங்களாவில் இவர்கள் குடியிருந்தாலும் அந்த இனிமையான நாட்களை என்றும் அவர்கள் மறக்க மாட்டார்கள், இன்றும் நினைச்சுப் பார்ப்பார்கள் என்கிறார்.
இவரை சென்டிமேன்ட்டுக்காக பல படங்களில் ஒரு சீன், அரை சீன் காட்சிகளில் நடிக்க கூப்பிட்டாலும் உடனே சம்மதிப்பாராம்.இயக்குனர் தரணி இவரை அனைத்துப் படங்களிலும் நடிக்க அழைப்பதாக கூறுகிறார்.தற்போது கே.வி ஆனந்தின் இயக்கத்தில் உள்ள கோ படத்தில் நடித்து வருகிறார். இவர் சீரியலையும் விட்டு வைக்கவில்லை. சன் டி.வியில் தங்கம், ராஜ் டி,வியில் வீட்டுக்கு வீடு, கலைஞர் டி.வியில் செண்பகமே போன்ற சீரியல்களில் நடித்து வருகிறார்.

இப்படி பட்ட ஆடம்பரம் இல்லாத, கொடுக்க்கரத்தை வாங்கிட்டு நடிக்கும், எளிமையான ஒரு கலைஞனை பற்றி சில வார்த்தைகள் உங்களுடன் பகிர்ந்தமைக்கு மகிழ்ச்சி அடைகிறேன்.


கண்டிப்பா மீண்டும் எதாச்சும் பினாத்த வருவேன்.இவ்வளவு நேரம் பொறுமையுடன் படித்த அனைவருக்கும் நன்றி.

யார் தான் என்போல் ஏமாந்த சோணகிரி?

டாஸ்மாக்கில் சரக்கை

ஊற்றிக் கொடுத்தபின்

கொடுத்த கடனை

கேட்டேன் என் நண்பனிடம்

காலைல வாங்கிக்கோடா

என்கிறான்...

குடிகாரன் பேச்சு!

இன்னைக்கு ரொம்ப
ஸ்மார்ட்டா இருக்கீங்க போங்க...
போத்தீஸ் புடவை கடையில்,
ஏங்க இந்த பட்டுபுடவை
எனக்கு நல்லாருக்குமில்ல?
என்னிடம் என் மனைவி...


எனக்குன்னு இந்த வீட்ல
என்ன பொழுதுபோக்கு இருக்கு?
இந்த மனுஷனை கட்டிகிட்டதிலிருந்து..
வந்ததும் சரியில்ல வாய்ச்சதும் சரியில்ல
அரைமணி நேர சீரியல் பார்க்கவிடாத
மகனிடம் அம்மா...

தல உங்க எழுத்து சூப்பரு!
பின்னீட்டீங்க...பிச்சிட்டீங்க...
அருமை...
வழக்கம் போல கலக்கல்...
பின்னூட்டம் திரும்பப் பெற
பெரும் முயற்சியில்
பதிவர்கள்...

யார் தான் என்போல் 

ஏமாந்த சோணகிரி?

பாடலை பார்த்துட்டீங்களா? அதை அப்படியே பதிவுலகத்துக்கு ஏற்ற மாதிரி மாத்தி நீங்களே பாடிக்கோங்க...

"கிட்டுமணி போல ஒரு மக்குமணி யாருமில்லை" அது அப்போ. இப்போ டக்கால்டி போல ஒரு மக்குமணி யாருமில்லை...

மீண்டும் பினாத்த வருவேன். பொறுமையுடன் படித்து பார்த்த அனைவருக்கும் நன்றி...

பயணம்

பயணம்- இந்த வார்த்தை என்னைப் பொறுத்தவரை மந்திரச் சொல். ஒவ்வொரு நாளும் நம்மை நமது உலகை புதுப்பிக்கவல்ல ஒரு மந்திரச்சொல் தாங்க அது. சற்று யோசிச்சு பாருங்க, வாழ்க்கை தான் எவ்வளவு விசித்திரமானது? அழுதுகொண்டே பிறப்பதிலிருந்து இறந்து பிறரை அழவைப்பது வரை. இங்கே கொஞ்சம் கவனித்தீர்களா? நமது வாழ்வின் விசித்திரம் நாம் பிறக்கையிலே நம்முடன் தொடங்கிவிடுவதை. ஆம் நாம் பிறக்கும் போதே அழுது கொண்டு பிறந்தால் தான் நம்மைப் பெற்ற தாயின் முகம் மலர்கின்றது. அந்த அழுகைச் சத்தம் தான் பிரசவ வார்டின் வெளியே சிந்தனையுடன் நடந்து கொண்டிருக்கிற தகப்பனால் ஒரு நல்ல முடிவை தெரிந்து கொள்ள உதவுகின்றது. ஆனால் அரிதாக ஒரு சில தருணங்களில் அப்படி அழாமல் குழந்தை பிறக்கும் போது தகப்பனின் அந்த நொடியை சற்று சிந்தித்து பாருங்கள்.அழாமல் பிறந்த குழந்தை என்றால் அநேகமாக அது பிறக்கும் போதே இறக்கின்ற குழந்தையாக தான் பெரும்பாலும்  இருக்கும்.

அதே சமயம் அதற்கு நேர்மாறாக ஒரு மனிதன்  இறக்கின்ற போது பாருங்கள்...அவன் சிரித்துக் கொண்டே இறந்தாலும் கூட அவனை சுற்றியுள்ள மனிதர்களுக்கு அவனது திடீர் பிரிவு அழுகையும் சோகத்தையுமே உண்டாகுகிறது. எனவே பிறக்கும் போதே நமது இறப்பும் நிச்சயம் ஆகிவிட்ட இந்த நிச்சயமற்ற வாழ்க்கையிலேயே நம்மை ஒவ்வொரு நொடிப்பொழுதும் ஒரு தூண்டுகோலாக பிடிப்புடன் கொண்டு செல்லுவது தான் பயணம்...வாழ்க்கைப் பயணம். அதைப் பற்றிய எண்ணங்கள் தான் இந்த இடுகை.

ஒவ்வொரு மனிதனின் வாழ்க்கையிலும் பிரச்சினை இருக்கும். அவன் பிறந்த,வளர்ந்த சூழ்நிலைகளுக்கு ஏற்றவாறு அதை பிரிக்கலாம். ஆனால் உண்மையிலேயே சொல்லப் போனால் பிரச்சினை என்றே ஒன்று கிடையாது.நாம் செய்கின்ற காரியத்தால் நம்மால் உருவாக்கப் படுகின்றவையே பிரச்சினைகள். ஏழைகளுக்கு அன்றாட வாழ்க்கையே ஒரு பிரச்சினை தான்.அவனுக்கு தேவை எல்லாம் பசி தீர்க்க உணவு, இருக்க இடம், உடம்பை மறைக்க மானத்தை காக்க இரண்டு செட் உடை, அவ்ளோ தான். இதுவே வசதி உள்ளவனுக்கு அனைத்துமே கவுரவம் சார்ந்த விஷயங்கள் ஆகிவிடுகின்றது.உண்ணும் உணவிலிருந்து உடுத்தும் உடை வரை அவன் மேன்மையானவற்றைத் தேடி அலைகின்றான். இதில் இருதலைக் கொள்ளி எறும்பாக தவிப்பது நடுத்தர வர்க்கத்தினர் தான்.

இப்படிப் பட்ட வாழ்க்கையில் பயணிப்பதே ஒரு சுவாரசியமான விஷயம் தான். பயணங்களின் மூலம் தான் நம் மனம் பக்குவப் படுகின்றது. பயணத்தைப் போல ஒரு உற்ற தோழன் யாரும் கிடையாது. பயணத்தின் போது நம் கூடவே இன்னொரு உயிரும் கை கோர்த்து கொள்ளும் போது தான் நாம் இன்னும் பக்குவம் அடைகின்றோம். அந்த இன்னொரு உயிர் பெரும்பாலும் மனைவியாகவோ அல்லது நண்பர்களாகவோ இருக்கும்.

தனியே பயணிப்பது தான் எனக்கு மிகவும் பிடித்த விஷயம்.நம்மில் தொலைந்து போன, நாம் தொலைத்த விஷயங்களை மீட்டெடுக்க என்னால் பயணிப்பதன் மூலமே முடிகின்றது. அடுத்த நாள் வாழ வேண்டும் என்ற புத்துணர்ச்சியை கொடுக்கின்றது. மிக முக்கியமாக நம்மைப் பற்றி நன்றாக புரிந்து கொள்ள உதவுகின்றது தனிமைப் பயணம். அது நமது பலம்,பலவீனங்களை எடை போட, சோதித்து கொள்ள உதவி செய்கின்றது.

நான் என்னை பக்குவ படுத்திக் கொள்ள பலமுறை சேலம் - சென்னை வழிகளான உளுந்தூர்பேட்டை நெடுஞ்சாலையும், வேலூர் நெடுஞ்சாலையும் உபயோகப் படுத்தி இருக்கிறேன்.

அனைவரும் மன்னிக்கவும் இப்போ கொஞ்சம் சுயபுராணம் பாட வேண்டியிருக்கிறது. நான் அவ்வாறு பயணம் மேற்கொண்ட தருணம், காதல் தோல்வியாலும், குடும்ப சச்சரவுகளாலும் மிகவும் துவண்டு போய் என்னை நானே தேடிக் கொண்டிருந்த சமயம். பத்துக்கு எட்டு அறையில் தனியாக சென்னையில் வாழ்க்கை. என்ன ஏது என்று கேட்க கூட யாரும் அருகில் இல்லாத சுதந்திரம். ஆலோசனை சொல்லவோ தேற்றவோ அருகில் யாரும் கிடையாது. அப்போது கூட எனக்கு கை கொடுத்தது எனது பைக்கும் நான் மேற்கொண்ட பயணங்களும் தான். பைத்தியம் போல பல இடங்களுக்கு பைக்கிலேயே நெடுந்தூரம் பயணித்து இருக்கிறேன். பெரும்பாலும் அவற்றுள் எங்கு போகிறோம் எதற்கு போகிறோம் என்ற  இலக்கில்லாத பயணங்கள்.இப்போது பதிவுலகில் பெரும் பரபரப்பை ஏற்படுத்திக் கொண்டிருக்கும் கவுதம் மேனன் இயக்கிய வாரணம் ஆயிரம் படத்தில் கூட அப்படி ஒரு காட்சி வரும். 

அப்படிப்பட்ட பயணங்களில் தான் எத்தனை சுவாரசியங்களை நான் கண்டிருக்கிறேன். போகும் வழியெங்கும் வாழ்க்கையின் இரண்டே சாரர்களை பார்க்கலாம். ஒன்று மகிழ்ச்சியாக பயணிப்பவர்கள். மற்றவர்கள் முகத்தில் ஏதோவொரு சோகத்தை அப்பிக் கொண்டு பயணித்துக் கொண்டிருப்பார்கள். நான் மட்டும் எந்த பிரிவையும் சாராமல் போய்க்கொண்டிருப்பேன். அதனால் தான் என்னவோ என்னால் பல அறிய விஷயங்களை புரிந்து கொள்ள முடிந்தது என்று நினைக்கிறேன்.

ரோட்டுக்கடை, பரோட்டா லாரி டிரைவர்கள், இருசாரார் மனிதர்களின் இரவு வாழ்க்கை, விபத்து, நசுங்கிய வாகனங்கள்,ரத்த வாடை,சாவு,அதைப் பார்த்துக் கொண்டே தொடரும் பயணம், அதீத தூசு, புகை, இயற்கை சீற்றங்கள் (ஒரு முறை ஊத்தங்கரை அருகே நான் செல்லும் போது அடித்த மழையிலும்,காற்றிலும் எனக்கு பத்தடிக்கு முன்னே மரம் சரிந்து விழுந்தது. அப்போது உணர்ந்தது எல்லாம் இந்த இயற்கையின் முன்னே ஒரு தூசி தான் நான் என்று), சகிப்புத்தன்மை,பல புதிய முகங்களின் நட்பு,அவர்களின் அனுபவங்கள் -  இப்படி பல விஷயங்களை அடுக்கி கொண்டே போகலாம். என்ன தான் நாம் காரிலோ, பஸ்சிலோ பயணம் செய்தாலும் தனியே இவ்வாறு பைக்கிலே பயணம் செய்வது என்பது என்னைப் பொறுத்தவரை தனிமையை தேடி அலைபவர்களுக்கும், தன்னை தேடி அலைபவர்களுக்கும் மிகவும் பொக்கிஷமானது தான்.

தளபதி படத்தில் ஒரு வசனம் வரும், " எனக்கு சோறு போட்ட இங்க இருக்குற அத்தனை பேரும் என் அம்மா தான்" என்று. அதை நான் இந்த பயணங்களின்        போது உணர்ந்து இருக்கிறேன். 

அடுத்து கூட்டுப் பயணம். இது தனிமை விரும்பிகளுக்கு பிடிக்காது என்றாலும், அவர்கள் இந்த பயணத்துக்கு ஏற்ப தன்னை அட்ஜஸ்ட் செய்து கொள்ள வல்லவர்கள். இதில் பெரும்பாலும் நாம் குழு மனப்பான்மையையும், அடுத்தவரின் விருப்பு வெறுப்புகளுக்கு மரியாதையை கொடுப்பதையும், கருத்துப் பரிமாற்றத்தையும், அதீத சகிப்புத்தன்மையையும், அடுத்தவரின் எண்ணங்களுக்கு மதிப்பளிப்பதையும் கற்றுக் கொள்ளலாம். குறிப்பாக நம்மை நம்பி இன்னும் சில ஜீவன்கள் இருக்கின்றது என்ற நினைப்பே நமக்கு பாதுகாப்பு உணர்வை அதிகப் படுத்தி ஒழுங்காக வாகனத்தை ஓட்ட வைக்கும்.

ஒரு பயணம் ஒரு மனிதனின் மனதை எப்படி எல்லாம் மாற்றும், பக்குவப் படுத்தும், அவன் பழகிய மனிதர்களின் குணங்களை பிரதிபலிக்க வைக்கும் என்பதற்கு அன்பே சிவம் படத்தில் வரும் கமல்-மாதவன் ஒரிசா-சென்னை பயணங்கள் உதாரணம். எனக்கும் ஒரிசா அனுபவம் உண்டு. அது ஒரு பெரிய பழைய கதை. ஏற்கனவே எனது பழைய வலைப்பூவில் எழுதி இருந்தேன். மீண்டும் நேரம் வரும் போது சொல்கிறேன்.இப்படிப் பட்ட பல நல்லது தரும் பயணத்தை நாம் பணம் செலவழிகின்றது என்று பாராமல் அடிக்கடி செய்வோம்.நம்மை நாமே புதுபிப்போம். பொறுமையுடன் படித்த அனைவருக்கும் நன்றி. 

(டிஸ்கி: படங்கள் அண்மைய எனது மியாமி பயணத்தின் போது எனது நண்பன் சித்தார்த்தினால் க்ளிக்கியவை.)