கபாலி vs ககன்லால்சேட்

"துஜே தேகோ யெ ஜானா சனம்

ப்யார் ஹோத்தா ஹாய் தீவானா சனம்

அப் யஹான் சே கஹான் ஜாயே ஹம்

தேரி பாஹூன் மெய்ன் மர் ஜாயே ஹம்"

"இன்னா சேட்டு..பாட்டெல்லாம் ஷோக்கா கீது...செம குஜாலாகீற போல"

"ஹரே கபாலி...ஆமாம்பா ... நம்மல் சேட் பக்வான் புண்ணியத்துலே படா படா குஷியா இர்க்கான்...நிம்மல் எப்டி இர்க்கான்? "

" அட போ சேட்டு..உனக்கென்ன கந்து வட்டிக்கு துட்டு கொடுத்தே சவுக்கார்பேட்டைல நம்ம புள்ளைங்க ஏரியாவாண்ட வூட்ட கட்டிட்ட...எங்கள மாதிரி ஆளுங்க பொயப்பெல்லாம் படா பேஜாராக்கீது"

"நிம்மல் கஷ்டப்படறான் சேட்டு துட்டு கொடுக்கறான்...அதுக்கு நம்மல் இன்னா செய்வான் சொல்லுபா"

"கரீக்ட்டு தான்யா...முப்பது வருஷம் முன்னாடி பொண்டாட்டி,புள்ளைங்களோட வந்து டேரா போட்ட..இப்போ ஊரே உன் வூட்டு வாசல்ல தான் வந்து நிக்குது...மெய்யாலுமே நீ பெரிய ஆளுப்பா"

"ஹரே..இப்போ இப்படி தான் நிம்மல் சொல்லுது...ரெண்டு மாசம் முன்னாடி நிம்மல் ஆளுங்க யாரும் நம்மள்கிட்டே பணம் கேக்க வர்லே"

"அட அதுவா சேட்டு...ரெண்டு மாசம் முன்னாடி எலெக்சனு டைம்முபா..நெறய துட்டு கெடைக்கும்னு குஜாலா காத்துகினு இருந்தோம்...அதுவும் எலெக்சனு ஆப்பிசர்களுன்னால மெர்சல்லா பூடுச்சு"

"பாப்ரே...அப்றம் நிம்மல் இன்னா செய்தான்?"

"அப்பாலிக்கா இன்னா பண்ண முடியும்..கள்ள வோட்டு போட்டா துட்டு கொடுப்பாங்கன்னு நியூசு வந்துச்சு..ஏரியாலகீற புள்ளைங்க அல்லாத்தையும் இஸ்துகினு கொளத்தூர் பூத்துக்கு போயிட்டேன்...கடசில தலீவரு ஜெயிச்சுட்டாருல..அல்லாம் நம்ம புள்ளைங்களோட தெர்ம தான். ஆளுக்கு 1000 ரூவா கொடுத்தாங்கோ"

"ஹரே துஷ்மன்...பணம் வாங்கிட்டு வோட்டு போடுறே...அபி தேகோ, நிம்மல் வோட்டு போட்ட ஆத்மி பூரா நம்மல் ஊருக்கு போயிட்டாங்கோ"

"இன்னாமோ போ சேட்டு..உன்னாண்ட துட்டுகீது நீ 'லா' பேசற..எங்களாண்ட இன்னா கீது? கெட்ச்ச வரீக்கும் லாபம்னு பண்றோம். ஆமா சேட்டு இங்கன வந்து எப்புடி நீ தமிழ் கத்துகின ... எங்க தலீவரு தான் உன் ஆளுங்க பாஷைய எதித்துகினு உன்னோட காலத்துலேயே தண்டவாளத்துல தலய வெச்சாரு..எங்க புள்ளைங்க எல்லாம் ஹிந்தி தெர்யாம ரொம்ப பேஜார் ஆவுராங்கோ...மெட்ராச தாண்ட முடில..."

"அட போப்பா..நிம்மல் தலீவரு புள்ளைங்க எல்லாம் ஹிந்தி,இங்க்லீஷ் நல்லா பேசுவாங்கோ... இல்லைனா திகார்ல எப்டி அவங்கள் சமாளிக்கிறான்? நம்மல் மாதிரி ஆளுங்க எல்லாம் அப்போ ரொம்ப கஷ்டப்பட்டான்...ஹிந்தி பேசுனாலே நிம்மல் ஆளுங்கோ அடிப்பான்.இப்போ கூட அப்டி தான். வேற வழி இல்லாம சேட்டு டமில் கத்துக்கிட்டான் "

"யோவ் சேட்டு..நீ உஷாரான ஆளுதான்யா...சும்மா வருமாடா சோமாறிங்கற..நீயி சந்தோஷமா எதுக்கு பாடிகினு வந்தன்னு எனக்கு இப்ப தான் பிரியுது. சரி சரி!!! என் வூடு வந்துருச்சு நான் வரேன். ஈவ்னிங் உன் ஊட்டாண்ட வர்றேன்..கைமாத்தா 1000 ரூவா கடன் வேணும்பா"

 

"அச்சா..அச்சா..ஆவோ கபாலி ஆவோ..."

"துஜே தேகோ யெ ஜானா சனம்

ப்யார் ஹோத்தா ஹாய் தீவானா சனம்

அப் யஹான் சே கஹான் ஜாயே ஹம்

தேரி பாஹூன் மெய்ன் மர் ஜாயே ஹம்"

பட்டு மாமி-சேஷு மாமா @ 2016

"லோகத்துல ஜலத்துக்கு பயங்கர பஞ்சமாம்டி பட்டு...அக்னி வெயில் வேற மனுஷாள பாடாப் படுத்தறது" வியர்வையில் நனைந்திருந்த சட்டையை கழற்றி பட்டு மாமியிடம் கொடுத்தவாறே பேசினார் சேஷு மாமா.

"என்னண்ணா உளர்றேல்? நம்ம ஆத்துலயும், ஊர் ஆத்துலயும் தான் ஜலம் பேஷா ஓடுறதே... நீங்க என்னடான்னா இப்படி சொல்றேள்!"

'அடியே பட்டு...மறுபடியும் நீ ஒரு அசமஞ்சம் தான் ப்ரூப் பண்ணிட்டேடி...நோக்கு எப்போ பார்த்தாலும் தின்றது இல்ல தூங்குறது பத்தி தான் நினைப்பு ...அதையும் மீறினா சீரியல்...அதை தாண்டி லோகத்துல நடக்குறது எதுவும் உனக்கு தெரியாது..அஷடு..அஷடு..."

"ஒளராதேள்...என்கிட்ட சிண்டு முடியலைன்னா உங்களுக்கு பொறுக்காதே...விஷயத்தை ஷத்த தெளிவாதான் சொல்லுங்கோளேன்"

"பொறுடி..என்ன எங்க பேச விடுற?ஆத்துக்கு வந்ததுல இருந்து நீயே தான் பேசிண்டு இருக்காய்...சரி நான் சொல்ல வந்தது வேற ஜலம்டி பட்டு"

"ஐயையே! என்னண்ணா வரவர அசிங்கமா பேசறேள்.."

"அடியே அஷடு...உன் பேரு பட்டுன்னு சரியாத்தான் உன் தோப்பனார் வெச்சுருக்கார். நான் விஷயத்தை சொல்லி முடிக்கறதுக்குள்ளேயே 'பட்டு பட்டுன்னு' குறுக்க பேசுறாய் நீ"

"நான் ஜலம்னு சொன்னது சாராயம்டி...போன ஆட்சியில எதிர்க்கட்சிகாரங்க எல்லாத்தையும் ஜெயில்ல புடிச்சு போட்டு கதிகலங்க வெச்சாளே...எல்லாமே அதனால தான்..."

"என்னண்ணா மொட்ட தலைக்கும் முழங்காலுக்கும் முடிச்சு போடறாப்லன்னா நீங்க சொல்றது இருக்கு"

"ஆமாண்டி பட்டு..பத்து வருஷம் முன்னாடி இப்போ இருக்குறவா ஆட்சில இருந்தப்ப கூட சாராய சப்ளை எதிர்க்கட்சி குடோன்ல இருந்து தான் வந்தது. ஆனா போன ஆட்சில அந்த நன்றியை மறந்து சில நல்லத் திட்டங்களை எதிர்க்கட்சி ஆரம்பித்தது என்பதற்காகவே கிடப்பில் போட்டுட்டாள். அதன் விளைவு இப்போ தமிழ்நாடு முழுக்க சாராய சப்ளை தனது குடும்ப வாரிசான மணிமொழியின் மகனுக்கு கொடுத்துட்டா... ஏற்கனவே சப்ளை செய்து வந்த 'ருசி'யின் சாராய ஆலைகள் அனைத்துக்கும் சீல் வெச்சுட்டா."

"ஒஹ் அப்படியா செய்தி..."

"ஷத்த இருடி... இன்னும் இருக்கு சேதி...என்னதான் மணிமொழி மகன்கிட்ட பொறுப்பை கொடுத்தாலும் குடிமகன்களின் தேவையை பூர்த்தி செய்யும் அளவுக்கு உற்பத்தி செய்ய முடியவில்லையாம்...போன ஆட்சியில் மின்வெட்டுத்துறை அமைச்சர் இருந்தமாதிரி இந்த முறை மது ஒழிப்புத் துறை அமைச்சர் என்று எதிர்கட்சிகள் காய்ச்சு காய்ச்சுகின்றனவாம்."

"இவா எல்லாம் என்னைக்குதாண்ணா திருந்துவா?"

" அதில்லடி பட்டு இப்போ எல்லாம் பிறந்த குழந்தைக்கு கூட பாலுக்கு பதில் பிராந்திதான் தேவைப்படுது. உற்பத்தி அதிகப்படுத்த இன்னும் ரெண்டு வருஷம் ஆகுமுன்னு பேசிக்கறாங்க. இந்த மாதிரி குடிக்கறவா இருக்குற வரைக்கும் இவாளும் ஏமாத்தின்டே தாண்டி இருப்பா..சரி நேக்கு வேலைக்கு நாழியாறது...நான் புறப்படறேன்" என்று பட்டு மாமியிடம் விடைபெற்றார் சேஷு மாமா.

தன் கூட்டணியே தனக்கு ஆப்பு!

வணக்கம் நண்பர்களே!

ஒட்டு மொத்த பதிவுலகமும் தமிழக சட்டமன்ற தேர்தல் அரசியல் கூத்துகள் பற்றிய இடுகைகளை எழுதியாகிவிட்டது. இன்னும் தேர்தல் நாளுக்கு ஒரு வாரமே இருக்கும் நிலையில் இது வரை நடந்த அரசியல் கூத்துகள் பற்றிய ஒரு கண்ணோட்டம்.

இந்த தேர்தல் கூத்துகளை பற்றி பார்க்கும் முன்னே சற்று தமிழக அரசியல் வரலாற்றுப் பெட்டகத்தை திறந்து பாப்போம். இது அரசியல்வாதிகளைப் பற்றிய கும்மி அல்ல. எந்தெந்த வருடம் தேர்தல் நடந்தது?, யார்-யார் முதல்வர் ஆனார்கள்? போன்ற தகவல்கள் மட்டுமே. (நன்றி-விக்கிபீடியா)



மதராஸ் ஸ்டேட் 1950 ஆம் வருடம் நாம் குடியரசு ஆன நாள் உருவாக்கப் பட்டது. 1968 இல் தான் மதராஸ் ஸ்டேட் தமிழ்நாடு மாநிலமாக உருவானது. கீழுள்ள அட்டவணையில் இதுவரை நடந்த தேர்தல் வருடம் மற்றும் முதல்வர் விவரங்களைக் காணுங்கள். இதில் ஒரு சுவாரசியமான விஷயம் என்னவென்றால் தமிழக முதல் சட்டமன்ற தேர்தல் நடந்த 1952 இல் எந்த கட்சியும் பெரும்பான்மை பெறாததால் அதற்கு முன்பு ஆட்சியில் இருந்த காங்கிரஸ் வசமே மீண்டும் ஆட்சி ஒப்படைக்கப் பட்டது.

எனவே இப்போது வரும் தேர்தல், தமிழகத்துக்கு 14 -வது சட்டமன்ற தேர்தல் ஆகும்.

இனி வரப்போகும் 14 -வது சட்டமன்ற தேர்தல் பிரச்சாரத்தின் போதும், கூட்டணி அமைக்கும் போதும் நடந்த கோமாளித் தனங்கள் சுருக்கமாக உங்கள் வாசிப்புக்கு. ஒரு புறம் அதிமுக முதலில் தனது கூட்டணி சுமுகமாக அமைத்துக் கொண்டது போல இருந்தாலும், வைகோ என்ற தோழமைக் கட்சி தலைவர் ஓரங்கட்டப்பட்டது, சமீபத்தில் கூட்டணியில் இணைந்த தேமுதிகவுக்கு 41 இடங்கள் ஒதுக்கப்பட்டதைக் கண்ட அவர் அதைத் தொடர்ந்து கம்யுனிஸ்ட் மற்றும் தேமுதிக வுடன் கூட்டணி அமைக்க முயன்று கூட்டணி அமைப்பதிலேயே தோற்றது, பின்னர் தேர்தலை புறக்கணிக்கிறோம் என்று அறிவித்தது இவை யாவும் நீங்கள் அறிந்ததே.




பொதுவாக பார்த்தோமேயானால் அதிமுக மேற்கொண்ட இந்த நடவடிக்கைகள் அந்த சமயத்தில் புத்திசாலித்தனமானதே. ஆம்! வைகோ என்ற மனிதர் நல்ல அரசியல்வாதி தான். ஆனால் அவருக்கு தற்போதைய நிலையில் விஜயகாந்த் அளவுக்கு ஓட்டு வங்கி கிடையாது என்பதை யாரும் மறுக்க முடியாது.

தவிர மதிமுக வின் கடந்த தேர்தல் ஓட்டு எண்ணிக்கையையே அதற்கு சான்று. எனக்கு தெரிந்த வரையில் வைகோ மற்றும் நாஞ்சில் சம்பத் என்ற இருவரே மதிமுக கட்சியில் மக்களுக்கு நன்கு தெரிந்த முகங்கள். நல்ல மேடைப் பேச்சாளர்களும் கூட. தேமுதிகவில் விஜயகாந்த் என்ற ஒருவரை தான் மக்களுக்கு தெரியும். விஜயகாந்த் என்ற தனி மனிதனின் முயசியால் மட்டுமே அவருக்கு கிடைத்த வாக்கு எண்ணிக்கை இவ்வளவு வருடம் அரசியல் பணியாற்றிய வைகோவுக்கு கிடைக்கவில்லை. இதை அறிந்தும் அவர் தனது சுய கவுரவத்துக்காக அதிக தொகுதிகளை கேட்பது கூட்டணியின் வெற்றிக்கு பாதகமானது என்று அதிமுக நன்கு கணித்தது. என்னுடைய கருத்து வைக்கோ தற்போது எடுத்த முடிவே சரியானது. தேர்தலை புறக்கணித்து விட்டார். மேலும் அவர் அதிக தொகுதிகள் கேட்பதில் பிடிவாதம் காட்டிய காரணம் கவுரவத்துக்காக மட்டும் அல்ல. அதிக தொகுதி கிடைக்காததால் தான் நிற்கலாம் என்றிருந்த நிலையில் ஏமாற்றமடைந்த பதவி வெறி பிடித்த, பதவி ஆசை கொண்ட தொண்டர்களின் வலியுறுத்தலும் ஒரு காரணமே.



ஆனால் அதிமுகவின் இன்றைய நிலையோ மிகவும் பரிதாபகரமானது. எங்கேயோ போன ஓணானை எடுத்து வேட்டிக்குள்ள விட்டுகிட்ட கதை தான். விஜயகாந்த் சமீபத்தில் "அடித்த-அடித்துவிட்டு அடித்த " லூட்டிகளே அதற்கு காரணம். சன் டிவியும் அவர் பேசிய பேச்சுக்களை?! முழுவதுமாக ஒளிபரப்பாமல், ஏனோதானோவென்று சில விஷயங்களை திரித்துக் கூறுவது அப்பட்டமாகத் தெரிகிறது. இதில் ஸ்பெஷல் சவுண்ட் எபக்ட்ஸ் வேறு. மாற்று சக்தியாக வருவீர்கள் என்று நினைத்த அண்ணன் விஜயகாந்திடம் ஒரே ஒரு கோரிக்கை. தேர்தல் முடியும் வரை இரவில் மட்டும் அதுவும் பிரச்சாரம் முடிந்தவுடன் சரக்கு அடியுங்கள்.
 
மற்றொரு புறம் திமுக கட்சிக்கு ஆரம்பமே அடி சறுக்கியது. காங்கிரஸ் கேட்ட தொகுதிகளை ஒதுக்கமுடியாது என்று தவுலத் காட்டிய தலைவர் பின் வேறு வழி இல்லாமல் மீண்டும் காங்கிரஸ் காலிலேயே விழுந்தார். 63 நாயன்மார்களை உருவாக்கினார். பின்னர் ராமதாஸ், திருமாவளவன் என்று ஒரு எவர் கிரீன் கூட்டணி ரெடி. ஊரே கை கொட்டி சிரித்தது. அப்புறமென்ன தடுமாற்றங்கள் குறைந்த நிலையில் அடுத்த தாக்குதல் தான். மக்களின் கவனத்தை திசை திருப்ப திமுக கதாநாயகி தேர்தல் அறிக்கை, விஜயகாந்தை தாக்க சொல்லி வடிவேலுவை பணியவைத்து சன் டிவியின் உதவியுடன் செய்திகளில் காமெடி செய்வது என வழக்கம் போலவே தனது தேர்தல் நேர நாடகத்தை சிறப்பாக நடத்தி வருகிறார்.




கொடுமையிலும் கொடுமை என்னவென்றால் அரை மணி நேர சன் டிவி செய்தியில் கலைஞர், ஸ்டாலின் பேசுவதை விட வடிவேலு பிரச்சார பேச்சு கால் மணி நேரம் ஒலிபரப்பப்படுகிறது. அத்தனையும் மக்களுக்கு செம பொழுதுபோக்கு. விஜயகாந்த் பற்றி தான் செய்தியே. ஸ்பெக்ட்ரம் ஊழல் குறித்தோ, வேறு செய்திகளோ கண்டிப்பாக கிடையாது. நடுநிலை செய்தி எனக் காட்டிக்கொள்ள ஜெ.ஜெ அங்கு பிரசாரம் செய்தார் அதை பேசினார் என்று இறுதியில் இரண்டு வரிகளோடு சரி.



இதெல்லாம் போதாதென்று வடிவேலுவை ஒரு பெரிய ஆளாக நினைத்து சிங்கமுத்துவை கொக்கரிக்க செய்துள்ளனர் எதிர்க்கட்சியினர். இது வரையிலும் அதிமுக கட்சியின் மேல் மரியாதை இருப்பினும் கூட்டணி கட்சிகளின் நடத்தைகளால் தோற்கும் அபாயம் கவலை அளிக்கிறது.



எனவே வரலாறு காணாத வகையில் இந்த தேர்தலில் எந்த கட்சி தோற்றாலும் அது எதிர் கட்சியினால் அல்ல, மாறாக தங்கள் கூட்டணி கட்சிகளான முறையே தேமுதிக- காங்கிரஸ் மூலமே என்பது மட்டும் உறுதி. அது எந்த கட்சி என்பதைக் காண ஆவலாய் நானும் உங்களுடன்.

வெளில போற ஓணானை வேட்டியில் விட்டுட்டு

வோனான் வோனானா உட்டுடுமா?

அரசியல்ல இதெல்லாம் சகஜமப்பா ...

வரும் சட்டசபைத் தேர்தலையும் தற்போது நடந்துவரும் கிரிக்கெட் உலகக்கோப்பையையும் ஒப்பிட்டு பார்த்ததில் வந்த ஒரு ஜாலி கற்பனை இது.இப்போது நான் கூறப்போகும் ஒப்பீடு முழுக்க முழுக்க ஜாலிக்காகவே, யாரும் சீரியசாக எடுத்துக் கொள்ளவேண்டாம். சரி இப்போது என்னவென்று பார்ப்போமா?

தேர்தல்=உலகக்கோப்பை 2011

க்ரூப் ஏ
========

அ தி மு க
தே மு தி க
ம தி மு க
கம்யூனிஸ்ட்
அகில இந்திய நாடாளும் மக்கள் கட்சி
அகில இந்திய சமத்துவ மக்கள் கட்சி
மார்க்சிஸ்ட் கம்யூனிஸ்ட்
மனித நேய மக்கள் கட்சி
புதிய தமிழகம்
அகில இந்திய பார்வர்ட் ப்ளாக்
அகில இந்திய மூவேந்தர் முன்னேற்ற கழகம்

க்ரூப் பி
=======

தி மு க
காங்கிரஸ்
பா.ம.க
விடுதலை சிறுத்தைகள் கட்சி
இந்தியன் யூனியன் முஸ்லீம் லீக்
மூவேந்தர் முன்னேற்ற கழகம்
புதிய பாரதம்
கொங்கு நாடு முன்னேற்ற கழகம்
பெருந்தலைவர் மக்கள் கட்சி


இந்த முறையும் விறுவிறுப்புக்கு பஞ்சம் இல்லை.இந்த தேர்தலில் கவனிக்கப்பட வேண்டிய சில தலைவர்களையும், நடந்து வரும் கிரிக்கெட் உலகக்கோப்பையில் கவனிக்கப் பட வேண்டிய சில வீரர்களையும் ஒப்பீடு செய்ததில் கிடைத்த சுவாரசியம் உங்களுக்காகவும்.

1 ) ஜெயலலிதா -சேவாக்

எதையும் பரபரப்புடன் செய்து முடிப்பதிலும், அடித்து ஆடுவதிலும் இவர்களை அடிச்சுக்க ஆளில்லை. பயம்னா என்ன? என்று கேட்பவர்கள்.இவர்களைப் பார்த்து எதிர் அணி வீரர்கள் எப்போதும் சிறிது நடுங்குவார்கள் என்பதில் சந்தேகமே இல்லை. போதிய ஆகப் பூர்வமான உழைப்பை இவர்கள் செய்ததே இல்லை, அது வலைப் பயற்சியோ இல்லை களப் பணியோ. அதை செய்வதற்கு அவசியமே இல்லை என்று திமிரோடு அலைந்தாலும் காலத்தில் வெளுத்து வாங்குவார்கள் என்பதில் சந்தேகமே இல்லை.


2) கலைஞர் - சில பாகிஸ்தான் வீரர்கள்

அணியில் நல்ல ஊழல் செய்யாத திறமையான வீரர்கள் பலர் இருந்தாலும், உள்ளிருக்கும் சில பெருச்சாளிகளை தனது தன லாபத்துக்காக தூண்டிவிட்டு பின்பு விஷயம் வெளியில் தெரிந்து குற்றச்சாட்டுகளை சமாளிக்கும் திறமையில் இவர்களை மிஞ்ச ஆட்கள் கிடையாது. அணியில் எப்போதுமே குடும்ப ஆட்களுக்கு முக்கியத்துவம் கொடுக்கப் படும். கம்ரான் அக்மாலுக்கும் அதே தான்...தயாளு அம்மாளின் ஒண்ணு விட்ட பேரனுக்கும் அதே தான். எத்தனை ஊழல் குற்றச்சாட்டுகள் புகார்கள் வந்தாலும் காலத்தில் தனது பலத்த எதிர்ப்பை வெளிப்படுத்தும் குணம் கொண்டவர்கள் இவர்கள். போட்டிக்கு முன்பு குழம்பினாலும் போட்டி அன்று சரியான நேரத்தில் தனது ராஜ தந்திரத்தையும் கடைசி அஸ்திரத்தையும் பயன்படுத்த தெரிந்தவர்கள்.

3 ) கேப்டன் விஜயகாந்த் - விராத் கோலி

துவங்கும் போது அதிரி புதிரியாக எதோ ஏனோ தானோவென்று இருந்திருந்தாலும் இந்தமுறை போட்டிக்கு சரியான திட்டமிடுதலுடன் உள்ளே நுழைந்து இருக்கிறார்கள். ஏற்கனவே இலவு காத்த கிளி போல அணிக்குள் வர துடித்துக் கொண்டிருந்தவர்களின் வயிற்றில் எரிச்சலை கிளப்பி இருக்கும் நபர்கள் இவர்கள் தான். இவர்களின் இந்த திடீர் எழுச்சி மற்ற அணி வீரர்களை கலங்கடித்ததொடு இல்லாமல் தனது அணியில் வாய்ப்பை தவற விட்ட சிலரையும் எரிச்சல் படுத்தி இருக்கிறது.


4 ) ராமதாஸ் - பிற அணியில் இருக்கும் இந்திய வீர்கள் (எ.கா : வேஸ்ட் இண்டீஸ் சர்வான், சந்தர்பால் )

இவர்கள் அணி மாறும் கலையில் சிறந்தவர்கள். எந்த அணியில் வாய்ப்பு கிடைக்கிறதோ அதை பயன்படுத்தி பேர்,புகழ் சம்பாதிப்பவர்கள்.கொள்கை,வெங்காயம் என்று எதுவுமே கிடையாது. ஏனோ தானோ என்று ஆடுபவர்கள். எப்போதாவது வெற்றி பெற்றால் இவர்கள் போடும் கூத்து யாராலும் தாங்க முடியாது.

5 ) வைகோ-டிராவிட்

இவ்விருவருமே ஒரு காலத்தில் தனது திறமையால் கொடி கட்டி பறந்தவர்கள். இன்று யாருமே இவர்களை கண்டு கொள்ளாததில் ஏற்பட்ட அதிர்ச்சியில் இருந்து இவர்கள் இன்னும் மீளவே இல்லை. இவர்களின் இன்றைய நிலைமையை அழாகாக விளக்கும் பாட்டு "ஜகமே மந்திரம் மனமே தந்திரம் மனிதன் எந்திரம் சிவசம்போ ஓஓ..."

6 ) ப.சிதம்பரம் - பாண்டிங்

இவர்கள் சற்று வித்தியாசமானவர்கள். அம்பயரை மிரட்டுவது, ஸ்லெட்ஜிங் போன்றவையை கொண்டுவந்தது என்பது இவர்களின் சாதனைகள். மிரட்டியே ஆட்டத்தின் போக்கை மாற்றுபவர்கள். உதார் விடுவதிலும், பேசியே சமாளிப்பதிலும் வல்லவர்கள். தோல்வியை ஏற்றுக் கொள்ளும் மனப்பக்குவம் இவர்களுக்கு மிகவும் குறைவே. மிரட்டி நினைத்ததை சாதித்து காட்டுவார்கள் அது 63 சீட்டாக இருந்தாலும் சரி அடுத்த ஆட்ட விக்கெட்டுகளையும் சேர்த்து 63 விக்கெட்டுகள் ஆனாலும் சரி.

7) கிருஷ்ணசாமி - இர்பான் பதான் மற்றும் கார்த்திக் - மொகம்மத் கைப்

இது காணமல் போனவர்களைப் பற்றிய அறிவிப்பு. போட்டி நேரங்களில் பெயர் அடிபடுவதொடு சரி.

8 ) சரத்குமார் - கனடா அணியின் பாலாஜி ராவ்

அணியில் இருப்பதையே தனது வாழ்நாள் சாதனையாக கருதுபவர்கள் இவர்கள். பெரிதாக சொல்லிக்கொள்ள நல்ல பின்புலமோ, அனுபவமோ, அணியோ கிடையாது.

9 ) கம்யூனிஸ்ட் தா.பாண்டியன் - ஸ்டீவ் டிக்கொலோ

ரொம்ப நாளாக அடிக்கொண்டிருந்தாலும், இப்போது வயதாகி விட்ட காரணத்தால் ஆட்டத்திறமை மங்கிபோய் உள்ளது. எதோ இடத்தை நிரப்பும் filler போல இவர்களின் பரிதாப நிலைமை. புதிய வீரர்களின் அணிவகுப்பிலும் அவர்கள் திறமையிலும் சற்று ஆடிப் போய் உள்ளனர்.


10 ) சுயேட்சைகள் - கெவின் ஒ பிரையன்கள்

எங்கேயோ எப்போதோ சோபிக்கும் அபாரத் திறன் படைத்தவர்கள். தனி ஆளாக நின்று சில ஆட்டங்களில் வென்றே கொடுத்தாலும் அது விழலுக்கு இறைத்த நீர் போல தான். பெரிதும் கண்டுகொள்ளப் படாமலே சிறு புள்ளியாய் காலப் போக்கில் மறைந்து போவார்கள்.


11) இளையதளபதி விஜய்- அஷ்வின்

இவர்கள் பேரு மட்டும் தான் அடி படும். ஆனால் இவங்க ஆட்டத்திலேயே இல்லை. இதுக்கு மேலே சொல்ல என் கிட்டயும் ஒன்னும் இல்லை.


மீண்டும் இது போல கண்டிப்பா எதாச்சும் பினாத்த வருவேன். பொறுமையுடன் படித்த அனைவருக்கும் நன்றி.

ஒரு ஜாலி கற்பனை

வணக்கம் நண்பர்களே...

இது ஒரு ஜாலி கற்பனை...

உலகக்கோப்பை ஜுரம் ஆரம்பித்துவிட்டது. இனிமேல் நமது மக்களுக்கு ராசாவின் ஊழலோ, நித்தியானந்தாவின் வழக்கு நிலையோ, மற்ற நிகழ்வுகளோ பெரும் தாக்கத்தை ஏற்படுத்த போகும் செய்திகளாக முக்கியத்துவம் அளிக்கப்பட மாட்டாது...தேர்தல் வரும் சமயத்தில் உலகக்கோப்பையும் வந்து நமது மக்களின் மறதிக்கு நல்ல தீனி போட்டுவிடும்...நாளிதழ்களின் தலைப்பு செய்திகளில் இடம்பிடிக்க,கீழ்கண்ட அறிவிப்புகள் கூட வரலாம். யார் கண்டது?

முஸ்கி: உலகக்கோப்பையை இந்திய வென்று விடுகின்றது. அந்த வெற்றிக்குப் பின்னால் உள்ள மர்மத்தை ஜெட்டி-லீக்ஸ் நிறுவனம் வெளியிட, நாடெங்கும் தொற்றிக் கொள்கிறது பரபரப்பு.



" இந்திய ஜனநாயகத்தை சீர் குலைக்க, மக்களின் மறதியை தேர்தல் நேரத்தில் அதிகப்படுத்த, இந்திய அணி வெற்றி பெற அணி வீரர்களுக்கு தொடர் முழுதும் ஆளுக்கொரு குவார்ட்டரும், மேட்டரும் செய்து கொடுத்துள்ளது குருணாநிதியின் மைனாரிட்டி கு.மு.க அரசு.இதனைக் கண்டு தமிழகமே சொல்லொண்ணா துயரப் படுகிறது." - எதிர் கட்சி தலைவி பே குற்றச்சாட்டு...



"என் மீது அந்த அம்மையார் சுமத்தியுள்ள குற்றச்சாட்டு, ஒட்டு மொத்த தமிழர்களையும், சிறுபான்மையின மக்களையும் இழிவுபடுத்தப் படும் வகையில் அமைந்துள்ளதை கண்டு, நான் மிகுந்த மனவேதனை அடைந்தேன். குற்றம் சுமத்தப்படுவதாலேயே ஒருவர் குற்றவாளியாகி விட முடியாது. என் பாசத்துக்குரிய தம்பியாம் சானி, என்னைப் போலவே தானும் தலைமை இடத்தில் மிகுந்த சிரத்தைகளுக்கு இடையில் (கையாலாகாத நிலையில் ஒரு டம்மி பீஸ்) வழிநடத்தி வருவதாக சொன்னார். ஆம் என்னை என் மக்களாகிய நீங்கள் என்னை கடலிலே தூக்கி வீசி, நான் கட்டுமரமாக மிதந்து தடுமாறுவதைப் பார்த்து அவரே தான் அணியிலுள்ள துடுப்பு ஆட்ட வீரர்களைக் கொண்டு என்னை காப்பாற்றினார். அதற்கு கைம்மாறு கருதும் பொருட்டாக அவருக்கும் அணி வீரர்களுக்கும் நான் வழங்கிய சலுகைகளை திரித்து கூறி வருகின்றார் அந்த அம்மையார்.இப்படி தான் கற்புக்கரசியாம் , சங்கம் வைத்து தமிழ் வளர்த்த மதுரையை எரித்த கண்ணகி, கோவலனிடம்..." என்று கூறும் போதே அவரது எழுதுகோலின் மை தீர்ந்து விடுகின்றது.



"என்னைப் பார்த்து குடிகாரன் என்று சொன்ன பே, இப்போது கொலைஞரையும் அது சம்பந்தமாக தொடர்புபடுத்தி அறிக்கை விட்டிருக்கிறார் மக்களே. ஜிம்.ஜியாரின் அடுத்த உண்மையான வாரிசான நான் உங்களிடம் ஒன்றே ஒன்று தான் கேட்கிறேன் மக்களே...ஒரே ஒரு முறை எனக்கு வாய்ப்பு கொடுத்து பாருங்கள், கேப்டனாகிய நான் உலகக்கோப்பையை உங்கள் வீட்டுக்கே வரவழைக்கிறேன்." - சு.மு.தி.க தலைவர் கேப்டன் குஜயகாந்த் கொதிப்பு.



"சானி மதுபான, மங்கை கேளிக்கைகளில் ஈடுபட்டு நமது இளைஞர் சமுதாயத்தை பாழ்படுத்தி வருகிறார். இப்படியே போனால் என் தொண்டர்கள் உலகக்கோப்பை நடக்கும் மைதானத்துக்குள் புகுந்து இந்திய வீரர்கள் விளையாடும் போது அவர்களது மட்டைகளையும், பந்துகளையும் கபளீகரம் செய்ய தயங்கமாட்டார்கள். " - பா.ம.க ராமதாஸ் எச்சரிக்கை.



"குடித்தால் என்ன?உலகக்கோப்பை வாங்கினோமா இல்லையாங்கறது தான் கேள்வியே? ஜப்பானில் டாகேஷி கிட்டானோ,மிட்சுபிஷி ஹிடாச்சி கூட தான் குடிக்கிறாரு...நம்ம ஆளுங்களுக்கு உலக லெவெல்ல குடிக்க தெரியல...இன்னமும் கம்மா கரைல உக்காந்துகிட்டு கள்ள சாராயமும், கள்ளுமே குடிச்சுட்டு இருக்காங்க.... சொல்ல போனால் நந்தலாலா என்னுடைய கதை தான்..நான் மப்போட தான் அந்த படத்தையே எடுத்தேன். அந்த திமிரு தான் என்னை இன்னிக்கு ரோட்டுக்கு கொண்டு வந்துடுச்சு..." வருங்கால ஒலக சினிமா மேடையில் கிஷ்கின்.



"என்னுடைய புத்தகத்தை சரோஜாதேவி புத்தகம் என்று சொன்ன கிஷ்கின் ஒரு மனநோயாளி. மனதில் நினைத்த பெண்ணை வைத்து மைதுனம் செய்துவிட்டு பிறகு நான் தான் அந்த பெண்ணுக்கு பிறந்த குழந்தைக்கு தகப்பன் என்பார். என்னைப் போன்ற எழுத்தாளர்கள் எல்லாம் கேரளாவில் இருந்தால் இந்நேரம் தலை மேல் தூக்கி வைத்து கொண்டாடி இருப்பார்கள். தமிழ் நாட்டில் எதிர்பார்ப்பது என் தப்பு தான். இருப்பினும் எனது படைப்புகள் வெளிவர உங்களால் முடிந்த பண உதவியை நான் வைத்திருக்கும் டாஸ்மாக் அக்கவுன்ட்டில் கட்டி விடுங்கள். இப்போது இந்திய வீரர்கள் மேல் சுமத்தப் பட்டிருக்கும் குற்றச்சாட்டுக்கும் இப்படி தான் சம்பந்தமே இல்லாமல் உளறி இருக்கிறார்." - எழுத்தாளர் பாரு தனது தளத்திலிருந்து.



"யே பாரத் மே...இந்திய இறையாண்மை கெட்டுவிட்டது ஹை..மெய்ன் பஹூத் பீல் கர்த்தா ஹூம்..." போங்கிரஸ் தலைவர் போணியாகாத வாந்தி குமுறல்...



"என்னை கோழையாக வாழ வைக்கும் என் உயிரும் மேலான இளிச்சவாய ரசிக தெய்வங்களுக்கு, பை த பை... ஆண்டவன் இருக்கான்..மக்கள் பாத்துட்டு இருக்காங்க...மக்கள் இப்போ தெளிவா இருக்காங்க...அவங்களை யாராலும் ஏமாத்த முடியாது..." கல்தான் படபிடிப்பில் கஜினிகாந்த்.



"இந்திய இறையாண்மை கெட்டுவிட்டதுனு சொல்றாங்க...இந்திய இறையான்மைனா என்ன என்றே நமக்கு தெரியாது. பத்து வருஷம் முன்னாடி சபைல மொச்சை கொட்டை தின்னுட்டு பாம் போட மாட்டாங்க..மீறி போட்டா எல்லாரும் சிரிப்பாங்க...ஆனா இப்போ எல்லாம் டாஸ்மாக்ல குடிச்சுட்டு அவிச்ச கடலையும்,முட்டையும் சைட் டிச்ஷா

தின்னுட்டு ரோட்டுல,வீட்டுல,நாட்டுலன்னு பாம் எக்கச்சக்கமா போடுறாங்க...அதை விட்டுட்டு பாகிஸ்தான்ல இருந்து ஒருத்தன் வந்து பாம்பேல பாம் போட்டா அது நமக்கு வெறும் நியூஸ் தான்...ஏன்னா பாம் போட்டது பாம்பேயில..இங்க இல்ல..இதுக்கெல்லாம் முடிவு கட்டனும்ன்னு தான் நான் அடுத்த படத்துல 550 வேஷத்துல பாம் போடுருவனா நடிச்சு ஆஸ்க்கார் கண்டிப்பா வாங்கிடுவேன்." - குமலகூசன்...

"முன்னாடி கும்.ஜியார், அப்புறம் பெயில் லலிதா, இப்போ நான்..." காமெடி நடிகர் குஜய் வீணாப்போனவிகடனில் அவரது குணம் திறக்கிறார்...



"எல்லா நிகழ்ச்சிக்கும் என்னை கட்டாயப் படுத்தி வர சொல்லி பின் குவார்ட்டர் ஊற்றிக் கொடுத்து மேடையில் வம்பிழுக்க சொல்லி என்னை வற்புறுத்துறாங்க அய்யா..அதுக்கு நீங்க தான் எதாச்சும் வழி பண்ணனும்...சரக்குக்கு ஊறுகாய் கூட கொடுக்க மாட்டேன்கிறாங்க...நீ தான் ஊறுகாய் போயி பேசுடான்னு சொல்லுறாங்க..."- வேஷக்

கொலைஞன்னுக்கு வேரறுக்கும் விழாவில் பேசிய மஜீத்தின் தைரியம்.


"இலங்கையிலே அங்கே என் தமிழன் மடிந்து கொண்டிருக்கிறான். இங்கே நமக்கு கிரிக்கெட் தேவைப்படுகிறது...அங்கே சிந்தப்படும் ரத்தம்,கண்ணீர்,சளி,எச்சில் எவ்வளவு தெரியுமா? மானங்கெட்டு போய்க்கொண்டிருக்கிறோம்." - கூமான் கூவல்...

இறுதியாக மிஸ்டர் பொதுஜனம்..

"யே அருக்காணி அக்கா..விதையகாரியன் சின்னத்துக்கு ஒட்டு போட்டா 5000 ரூவா தாராங்களாம். போட்டுட்டு வந்துருவோம் வாக்கா.. "

இறுதியாக பதிவுலகில்...



குஜையை எப்படி டா சொல்லலாம் சோமாறி...

மஜீத்தை பத்தி எழுத உனக்கு என்னடா அருகதை இருக்கு...

கஜினியை பத்தி எழுதுருயே...உனக்கு ஹிட்ஸ் வேணும்னா கேளு பிச்சை போடுறோம்...

குமலகூசன் ஒரு பெரிய அறிவு ஜீவி...அவரைப் பத்தி எழுதுறதுக்கு நீ பேசாம உடம்பை வித்து பொழைக்கலாம்...

போடாங்...#^@^#&*#^*(.. சு@#$னி


அடுத்த ஐந்து வருஷம் கழித்து மீண்டும் இவை தொடரும்...அறிக்கை விடும் சில பேர்கள் மாறி இருக்கலாம்.