காலமெல்லாம் காதல்

கல்லூரிக் காலங்களில்
உன் புகைப்படத்தை
புத்தகம் நடுவே
ஒளித்து வைத்து
அம்மாவுக்குத் தெரியாமல்
ரசித்திருக்கிறேன்


சம்பாதிக்க ஆரம்பித்தவுடன்
உன்னை விரைவில்
மணந்து கொள்ள
எனது வயதை
அடிக்கடி என் அம்மாவுக்கு
நினைவூட்டியிருக்கிறேன்


இன்னும் சில வருடங்களில்
என் அம்மாவிடமே
அவளைப் பிடித்திருக்கிறது
திருமணம் செய்து வையுங்கள்
என்று கூறியிருக்கிறேன்.


என்ன?
காலத்துக்கேற்ப என் காதலியே
நீ மட்டும்
மாறிக்கொண்டே இருந்திருக்கிறாய்...

திருமண ஆசையே
அற்றுப் போயிருக்கும் இவ்வேளையில்
எனக்கு பெண் பார்த்துக் கொண்டிருப்பதாக
இப்போது அம்மா தொலைப்பேசுகிறாள்...
சிரிப்பு தான் வருதடி எனக்கு!!!